Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 26

Unsay Ikatabang Namo sa Pagmentinar sa Kingdom Hall?

Unsay Ikatabang Namo sa Pagmentinar sa Kingdom Hall?

Estonia

Zimbabwe

Mongolia

Puerto Rico

Ang matag Kingdom Hall sa mga Saksi ni Jehova nagdala sa balaang ngalan sa Diyos. Busa, ang pagtabang nga mahuptan kining hinlo, presentable, ug maayog kondisyon usa gayod ka pribilehiyo ug hinungdanong bahin sa among sagradong pagsimba. Ang tanan mahimong makigbahin.

Moboluntaryo mi paghinlo human sa tigom. Human sa matag tigom, ang mga igsoon malipay sa paghinlo. Apan kas-a sa semana, himoon namo ang mas bug-os nga paghinlo. Usa ka ansiyano o ministeryal nga alagad ang magdumala niini, nga sagad magsunod ug checklist. Depende sa kahimtang, may manilhig, mag-mop o mag-vacuum sa salog, magtrapo sa abog, maghan-ay sa mga silya, maglimpiyo sa banyo, bentana, ug samin, maglabayg basura, o maglimpiyo sa nataran. Labing menos kas-a sa usa ka tuig, mogahin mig usa ka adlaw aron mag-general cleaning. Paapilon pod namo sa pipila ka buluhaton ang mga bata aron matudloan sila sa pagtahod sa among dapit sa pagsimba.—Ecclesiastes 5:1.

Motabang mi kon dunay ayohonon. Kada tuig, detalyadong inspeksiyonon ang sulod ug gawas sa Kingdom Hall. Base niini, himoon ang regular nga pagmentinar aron mahuptan nga maayog kondisyon ang tigomanan ug malikayan ang way-hinungdang gasto. (2 Cronicas 24:13; 34:10) Ang hinlo ug maayong-pagkamentinar nga Kingdom Hall haom gayong dapit sa pagsimba sa among Diyos. Pinaagi sa pagpakigbahin niana, ikapakita namo nga among gihigugma si Jehova ug gipabilhan ang among dapit sa pagsimba. (Salmo 122:1) Kini usab makahatag ug maayong impresyon diha sa komunidad.—2 Corinto 6:3.

  • Nganong angay namong atimanon ang among dapit sa pagsimba?

  • Unsay gihimong mga kahikayan aron mahuptang hinlo ang Kingdom Hall?

Pagkat-og Dugang

Unsay Ginahimo Panahon sa Tigom sa mga Saksi ni Jehova

Sayra kon unsay among paagi sa pagsimba.