Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 2

Nganong Ginganlan Ming mga Saksi ni Jehova?

Nganong Ginganlan Ming mga Saksi ni Jehova?

Noe

Abraham ug Sara

Moises

Jesu-Kristo

Daghan ang nagtuo nga ang mga Saksi ni Jehova maoy ngalan sa usa ka bag-ong relihiyon. Apan kapig 2,700 ka tuig kanhi, ang mga alagad sa bugtong matuod nga Diyos gitawag nag iyang “mga saksi.” (Isaias 43:10-12) Una pa sa 1931, nailhan ming mga Estudyante sa Bibliya. Nganong gidala namo karon ang ngalang Saksi ni Jehova?

Kini nagpaila sa among Diyos. Sumala sa karaang mga manuskrito, ang ngalan sa Diyos nga Jehova makitag linibo ka beses sa Bibliya. Sa daghang hubad, kining ngalana giilisag mga titulo, sama sa Ginoo o Diyos. Apan ang matuod nga Diyos nagpadayag kang Moises sa iyang ngalang Jehova, nga nag-ingon: “Kini ang akong ngalan hangtod sa panahong walay tino.” (Exodo 3:15) Niining paagiha, gipaila niya nga siya lahi sa tanang bakak nga diyos. Kami mapasigarbohong nagdala sa balaang ngalan sa Diyos.

Kini nagpaila sa among buluhaton. Sugod sa matarong nga si Abel, daghang tawo sa karaang panahon ang nagpamatuod bahin sa ilang pagtuo kang Jehova. Latas sa kasiglohan, si Noe, Abraham, Sara, Moises, David, ug uban pa miduyog niining ‘bagang panganod sa mga Saksi.’ (Hebreohanon 11:4–12:1) Sama sa tawong motestigos o mosaksi diha sa korte dapig sa inosenteng biktima, kami determinadong magpadayag sa kamatuoran bahin sa Diyos.

Kami nagsundog kang Jesus. Siya gitawag sa Bibliya nga “matinumanon ug matuod nga saksi.” (Pinadayag 3:14) Si Jesus mismo nag-ingon nga siya ‘nagpadayag sa ngalan sa Diyos’ ug padayong ‘nagpamatuod sa kamatuoran’ bahin sa Diyos. (Juan 17:26; 18:37) Busa ang tinuod nga mga sumusunod ni Kristo kinahanglang magdala sa ngalan ni Jehova ug magpadayag niana. Ang mga Saksi ni Jehova naningkamot sa paghimo niini.

  • Nganong sa ulahi ang mga Estudyante sa Bibliya ginganlag mga Saksi ni Jehova?

  • Unsa na ka dugay nga si Jehova may mga saksi dinhi sa yuta?

  • Kinsa ang kinalabwang Saksi ni Jehova?

Pagkat-og Dugang

Ngalan sa Diyos—Ang Paggamit ug ang Kahulogan Niini

Ang personal nga ngalan sa Diyos giwala diha sa daghang hubad sa Bibliya. Ngano? Hinungdanon ba ang paggamit sa ngalan sa Diyos?