Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 4

Nganong Naggama Mig New World Translation?

Nganong Naggama Mig New World Translation?

Congo (Kinshasa)

Rwanda

Tipik sa Symmachus diin mabasa ang ngalan sa Diyos sa Salmo 69:31, ikatulo o ikaupat nga siglo C.E.

Sa daghang dekada, ang mga Saksi ni Jehova naggamit, nagpatik, ug nag-apod-apod ug lainlaing bersiyon sa Bibliya. Apan among nakita nga kinahanglang maggamag bag-ong hubad nga mas makatabang sa mga tawo sa pagkat-on sa “tukmang kahibalo sa kamatuoran,” nga maoy kabubut-on sa Diyos alang sa tanan. (1 Timoteo 2:3, 4) Busa, sa 1950 gisugdan namo pagluwat ang mga bahin sa modernog-pinulongan nga Bibliya, ang New World Translation. Kini nga Bibliya tukmang gihubad sa kapig 130 ka pinulongan, lakip sa Cebuano.

Gikinahanglan ang usa ka Bibliya nga sayon sabton. Paglabay sa panahon ang pinulongan mausab, ug daghang hubad ang naggamit ug karaang mga pulong nga lisod sabton. Dugang pa, nadiskobrehan ang karaang mga manuskrito nga mas tukma ug duolduol sa orihinal, mao nga mas nasabtan ang karaang Hebreohanon, Aramaiko, ug Grego.

Gikinahanglan ang hubad nga dili motipas sa pulong sa Diyos. Inay usbon ang orihinal nga teksto sa Bibliya, ang mga maghuhubad kinahanglang dili motipas niana. Apan sa kadaghanang bersiyon sa Balaang Kasulatan, ang ngalan sa Diyos nga Jehova wala gamita.

Gikinahanglan ang usa ka Bibliya nga magpasidungog sa Awtor niini. (2 Samuel 23:2) Sa New World Translation, ang ngalan ni Jehova gipasig-ulig mga 7,000 ka beses diin kini makita sa labing karaang mga manuskrito sa Bibliya ingon sa gipakita sa ubos. (Salmo 83:18) Ingong resulta sa daghang katuigan nga panukiduki, kini nga Bibliya nindot basahon, kay tin-aw kining nagpahayag sa hunahuna sa Diyos. May New World Translation ka man sa imong pinulongan o wala, gidasig ka namo sa pagbasa sa Pulong ni Jehova matag adlaw.—Josue 1:8; Salmo 1:2, 3.

  • Nganong nakahukom mi sa paggamag bag-ong hubad sa Bibliya?

  • Aron makakat-on sa kabubut-on sa Diyos, unsay kinahanglang himoon matag adlaw?

Pagkat-og Dugang

Ang Bibliya—Usa ka Basahong Gikan sa Diyos

Nganong makatabang nimo ang Bibliya sa pagsagubang sa mga problema? Nganong makasalig ka sa mga tagna niini?