Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 20

Sa Unsang Paagi ang Nagamandong Lawas Naglihok Karon?

Sa Unsang Paagi ang Nagamandong Lawas Naglihok Karon?

Nagamandong lawas sa unang siglo

Gibasa ang sulat sa nagamandong lawas

Sa unang siglo, ang gamayng grupo sa ‘mga apostoles ug mga ansiyano sa Jerusalem’ nag-alagad isip nagamandong lawas, nga naghimog importanteng mga desisyon ingong hawas sa tanang dinihogang Kristohanon. (Buhat 15:2) Aron makab-ot ang gikahiusahang desisyon, sila naghisgot sa giingon sa Kasulatan ug nagpagiya sa balaang espiritu sa Diyos. (Buhat 15:25) Kana nga sumbanan maoy gisunod karon.

Kini gigamit sa Diyos sa pagbuhat sa iyang kabubut-on. Ang dinihogang mga brader nga membro sa Nagamandong Lawas interesado kaayo sa Pulong sa Diyos ug dakog kasinatian sa organisasyonal ug espirituwal nga mga butang. Magmiting sila kada semana aron hisgotan ang panginahanglan sa mga Saksi sa tibuok kalibotan. Sama sa unang siglo, ang binase sa Bibliya nga mga instruksiyon ihatag pinaagi sa mga sulat o sa mga nagapanawng magtatan-aw ug uban pa. Kini makatabang sa katawhan sa Diyos nga magkahiusa sa hunahuna ug buhat. (Buhat 16:4, 5) Ang Nagamandong Lawas nagdumala sa pag-andam ug espirituwal nga pagkaon, nagdasig sa tanan nga magmasiboton sa pagsangyaw sa Gingharian, ug nagdumala usab sa pagtudlog mga brader nga manguna sa kongregasyon.

Kini nagsunod sa giya sa espiritu sa Diyos. Ang Nagamandong Lawas nagsalig sa Soberano sa Uniberso, si Jehova, ug sa Ulo sa kongregasyon, si Jesus, alang sa giya. (1 Corinto 11:3; Efeso 5:23) Ang mga membro niini wala maghunahuna nga sila ang lider sa katawhan sa Diyos. Sila ug ang tanang dinihogang Kristohanon, ‘padayong nagsunod sa Kordero [si Jesus] bisan asa siya moadto.’ (Pinadayag 14:4) Pabilhan gayod sa Nagamandong Lawas ang atong pag-ampo alang kanila ug sa ilang buluhaton.

  • Kinsay mga membro sa nagamandong lawas sa unang siglo?

  • Sa unsang paagi ang Nagamandong Lawas karon nagpagiya sa Diyos?