Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 11

Nganong Motambong Mig mga Asembliya?

Nganong Motambong Mig mga Asembliya?

Mexico

Germany

Botswana

Nicaragua

Italy

Nganong malipayog dagway kining mga tawhana? Sila nagtambong sa usa sa among mga asembliya. Sama sa karaang mga alagad sa Diyos, nga gisugo sa pagtigom katulo sa usa ka tuig, gikahinaman namo ang pagtambong sa dagkong panagkatigom. (Deuteronomio 16:16) Kada tuig, duna miy tulo ka asembliya: duha ka circuit assembly nga tag-usa ka adlaw, ug regional convention nga tulo ka adlaw. Unsay kaayohan sa among pagtambong niini?

Makapalig-on kini sa among panag-igsoonay. Ingon nga ang mga Israelinhon malipayong nagdayeg kang Jehova “taliwala sa mga nagkatigom nga panon,” kami usab malipayong nagsimba kaniya niining espesyal nga mga okasyon. (Salmo 26:12; 111:1) Niini nga mga tigom, among mahimamat ug makauban ang mga isigka-Saksi gikan sa ubang kongregasyon o kanasoran. Sa tingpaniudto, mag-uban mig pangaon nga mas makapasuod sa usag usa. (Buhat 2:42) Dinhi among masaksihan ang gugma nga nagbugkos sa “tibuok kapunongan sa mga igsoon” sa tibuok kalibotan.—1 Pedro 2:17.

Makapauswag kini sa among espirituwalidad. Ang mga Israelinhon nakabenepisyo usab “kay ilang nasabtan ang mga pulong” sa Kasulatan nga gipatin-aw kanila. (Nehemias 8:8, 12) Sama nila, kami nagpabili sa instruksiyon sa Bibliya nga among madunggan sa mga asembliya. Ang matag programa gibase sa Bibliya. Pinaagi sa makaiikag nga mga pakigpulong, simposyum, ug pasundayag, kami makakat-on sa pagtuman sa kabubut-on sa Diyos. Madasig mi sa dihang makadungog ug mga kasinatian sa mga isigka-Kristohanon nga nakasagubang sa mga pagsulay niining lisod nga panahon. Sa mga regional convention, may mga costume drama bahin sa mga asoy sa Bibliya nga maghatag kanamog pagtulon-an. Sa matag asembliya, bawtismohan kadtong gustong magpabawtismo ingong simbolo sa ilang pahinungod sa Diyos.

  • Nganong makapalipay nga okasyon ang mga asembliya?

  • Unsay kaayohan sa imong pagtambong ug asembliya?

Pagkat-og Dugang

Video Clip: Tinuig nga Kombensiyon sa mga Saksi ni Jehova

Tan-awa kon nganong sa tibuok kalibotan minilyon ang motambong niining espesyal nga okasyon.