Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 5

Unsay Imong Masinati sa Among Kristohanong Tigom?

Unsay Imong Masinati sa Among Kristohanong Tigom?

Argentina

Sierra Leone

Belgium

Malaysia

Daghang tawo ang wala na mosimba kay wala sila makakaplag ug espirituwal nga katagbawan o kahupayan. Nan, nganong angay kang motambong sa Kristohanong tigom sa mga Saksi ni Jehova? Unsay imong masinati didto?

Malipay kang makauban ang mahigugmaong mga tawo. Sa unang siglo, ang mga Kristohanon giorganisar ingong mga kongregasyon, ug sila nagtigom aron sa pagsimba sa Diyos, pagtuon sa Kasulatan, ug sa pagdasig sa usag usa. (Hebreohanon 10:24, 25) Kay may gugma sa usag usa, gibati nila nga kauban nila ang tinuod nga mga higala—ang ilang mga igsoon sa pagtuo. (2 Tesalonica 1:3; 3 Juan 14) Gisundog namo ang ilang sumbanan ug gibati namo ang samang kalipay.

Makakat-on ka sa pagpadapat sa mga prinsipyo sa Bibliya. Sama sa kapanahonan sa Bibliya, ang mga lalaki, babaye, ug mga bata magkauban sa tigom. Gamiton sa kuwalipikadong mga magtutudlo ang Bibliya sa pagpasabot kanamo kon unsaon pagpadapat ang mga prinsipyo niini. (Deuteronomio 31:12; Nehemias 8:8) Ang tanan makaapil sa panaghisgot ug pag-awit, diin ikapahayag nato ang atong Kristohanong paglaom.—Hebreohanon 10:23.

Mapalig-on ang imong pagtuo sa Diyos. Gisultihan ni Pablo ang usa sa mga kongregasyon sa iyang adlaw: “Ako nangandoy sa pagpakigkita kaninyo, . . . aron adunay pagdinasigay sa inyong taliwala, pinaagi sa pagtuo sa tagsatagsa, sa inyo ug sa akoa.” (Roma 1:11, 12) Ang kanunayng pagpakig-uban sa mga isigkamagtutuo diha sa tigom makapalig-on sa atong pagtuo ug determinasyon sa pagkinabuhi subay sa mga prinsipyo sa Bibliya.

Gidapit ka namo sa pagtambong sa among sunod nga tigom sa kongregasyon aron ikaw mismo ang makasinati niini. Malipay kami sa pag-abiabi kanimo. Ang tanang tigom walay bayad ug walay pagpangolekta.

  • Unsang sumbanan ang gibasehan sa among tigom sa kongregasyon?

  • Sa unsang paagi nakabenepisyo mi sa pagtambong sa tigom?

Pagkat-og Dugang

Unsay Ginahimo Diha sa Kingdom Hall?

Tan-awa ang video aron imong masayran.

Mga Tigom sa Kongregasyon sa mga Saksi ni Jehova

Sayra kon asa kami magtigom ug kon unsay among paagi sa pagsimba.