Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 12

Giunsa Pag-organisar ang Among Buluhatong Pagsangyaw?

Giunsa Pag-organisar ang Among Buluhatong Pagsangyaw?

Espanya

Belarus

Hong Kong

Peru

Una mamatay, si Jesus miingon: “Kining maayong balita sa gingharian igawali sa tibuok gipuy-ang yuta ingon nga pagpamatuod ngadto sa tanang kanasoran; ug unya moabot ang kataposan.” (Mateo 24:14) Apan sa unsang paagi mapalampos kining tibuok kalibotang pagsangyaw? Pinaagi sa pagsunod sa sumbanan ni Jesus sa dinhi pa siya sa yuta.—Lucas 8:1.

Sangyawan namo ang mga tawo sa ilang balay. Gibansay ni Jesus ang iyang mga tinun-an sa pagsangyaw sa maayong balita sa balay ug balay. (Mateo 10:11-13; Buhat 5:42; 20:20) Ang mga magsasangyaw sa unang siglo giasaynag teritoryo nga sangyawan. (Mateo 10:5, 6; 2 Corinto 10:13) Karon usab, ang among buluhatong pagsangyaw giorganisar pag-ayo, ug ang matag kongregasyon giasaynag teritoryo. Pinaagi niini, among matuman ang sugo ni Jesus nga “magwali ngadto sa katawhan ug maghatag ug bug-os nga pamatuod.”—Buhat 10:42.

Mosangyaw mi bisan asa nga may mga tawo. Si Jesus naghatag usab ug sumbanan sa pagsangyaw sa publikong mga dapit, sama sa baybayon o sa may atabay. (Marcos 4:1; Juan 4:5-15) Kami usab makig-estorya bahin sa Bibliya bisan asa—sa dalan, negosyohanan, parke, o pinaagig telepono. Kon may kahigayonan, mosangyaw pod mi sa among mga silingan, kauban sa trabaho, eskolmet, ug mga paryente. Pinaagi nianang tanan, minilyong tawo sa tibuok yuta ang nakadungog sa ‘maayong balita sa kaluwasan.’—Salmo 96:2.

Duna ka bay gustong sangyawan sa maayong balita sa Gingharian sa Diyos ug sa mga benepisyo niana? Ayaw kinig ihikaw kanila. Sangyawi dayon sila!

  • Unsang “maayong balita” ang kinahanglang isangyaw?

  • Giunsa pagsundog sa mga Saksi ni Jehova ang sumbanan ni Jesus sa pagsangyaw?

Pagkat-og Dugang

Mga Saksi ni Jehova—Organisado sa Pagsangyaw sa Maayong Balita

Ang mga Saksi ni Jehova nailhan sa ilang tibuok kalibotang buluhaton sa pagtudlog Bibliya. Giunsa nila kini pag-organisar, pagdumala, ug pagsuportar sa pinansiyal?