Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 16

Unsa ang Papel sa mga Ministeryal nga Alagad?

Unsa ang Papel sa mga Ministeryal nga Alagad?

Myanmar

Bahin sa tigom

Grupo sa pagsangyaw

Pagmentinar sa Kingdom Hall

Gipakita sa Bibliya nga duha ka grupo sa Kristohanong mga lalaki ang nag-atiman sa mga responsabilidad diha sa kongregasyon—‘mga magtatan-aw ug mga ministeryal nga alagad.’ (Filipos 1:1) Sagad, ubay-ubay ang ansiyano ug ministeryal nga alagad sa matag kongregasyon. Unsay buluhaton sa mga ministeryal nga alagad?

Sila nagtabang sa lawas sa mga ansiyano. Ang mga ministeryal nga alagad maoy lig-on sa espirituwal, kasaligan, ug kugihang mga brader, nga ang pipila batan-on ug ang uban edaran. Sila nag-atiman sa ubang hinungdanon apan sagad rutinang buluhaton sa kongregasyon aron ang mga ansiyano makapokus sa pagtudlo ug pag-atiman sa panon.

Sila naghimog praktikal nga mga serbisyo. Ang pipila ka ministeryal nga alagad giasayn nga atendant aron abiabihon ang tanang manambong sa tigom. Ang uban kanila mag-atiman sa sound system, literatura, ug panalapi sa kongregasyon, ug mag-asayg teritoryo nga sangyawan sa mga membro sa kongregasyon. Motabang usab sila sa pagmentinar sa Kingdom Hall. Mahimong hangyoon sila sa mga ansiyano sa pagtabang sa tigulang nga mga igsoon. Ang mga ministeryal nga alagad andam motuman sa bisan unsang buluhaton nga iasayn kanila, ug ang kongregasyon nagtahod kanila tungod niana.—1 Timoteo 3:13.

Sila maayong panig-ingnan ingong mga Kristohanon. Ang mga ministeryal nga alagad gipili tungod sa ilang Kristohanong mga hiyas. Sa dihang mohatag silag mga bahin sa tigom, mapalig-on ang among pagtuo. Kay sila maayong panig-ingnan sa pagsangyaw, kami madasig nga mas magmasiboton. Ang pagkooperar nila sa mga ansiyano nakaamot sa kalipay ug panaghiusa sa kongregasyon. (Efeso 4:16) Ngadtongadto, sila usab makuwalipikado nga mahimong ansiyano.

  • Unsay mga hiyas sa mga ministeryal nga alagad?

  • Sa unsang paagi makatabang ang mga ministeryal nga alagad aron hapsay ang dagan sa kongregasyon?

Pagkat-og Dugang

Giunsa Pag-organisar sa mga Saksi ni Jehova ang Ilang mga Kongregasyon?

Sayra kon sa unsang paagi kami nakadawat ug giya ug instruksiyon pinaagi niini nga kahikayan.