Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 15

Sa Unsang Paagi ang mga Ansiyano Nag-alagad sa Kongregasyon?

Sa Unsang Paagi ang mga Ansiyano Nag-alagad sa Kongregasyon?

Finland

Nagtudlo

Nag-atiman sa panon

Nagsangyaw

Wala miy suweldadong klero diha sa among organisasyon. Hinuon, sama sa gihimo sa pagsugod sa Kristohanong kongregasyon, may takos nga mga magtatan-aw, o mga tigdumala, nga itudlo aron “magbantay sa kongregasyon sa Diyos.” (Buhat 20:28) Ang maong mga ansiyano maoy mga lalaki nga may espirituwal nga mga katakos nga nagapanguna sa kongregasyon ug nagbantay sa panon, “dili nga pinugos, kondili kinabubut-on; ni tungod sa gugma sa kinitaan pinaagig limbong, apan maikagon.” (1 Pedro 5:1-3) Unsay ilang ginahimo para namo?

Sila nag-atiman ug nagapanalipod kanamo. Ang mga ansiyano naggiya ug nagtabang sa kongregasyon nga magpabiling suod kang Jehova. Kay nahibalo nga kining hinungdanong asaynment gisalig kanila sa Diyos, sila dili magharihari sa Iyang katawhan, kondili nag-alagad alang sa among kaayohan ug kalipay. (2 Corinto 1:24) Samag magbalantay nga nag-atiman gayod sa matag karnero, ang mga ansiyano naningkamot nga mailhan nila ang matag membro sa kongregasyon.—Proverbio 27:23.

Sila nagtudlo kanamo kon unsaon pagbuhat sa kabubut-on sa Diyos. Kada semana, ang mga ansiyano magdumala sa mga tigom sa kongregasyon aron molig-on ang among pagtuo. (Buhat 15:32) Kining debotadong mga lalaki manguna usab sa pagsangyaw, nga makig-uban ug magbansay kanamo sa tanang bahin sa ministeryo.

Sila nagpalig-on kanamo. Aron matabangan mi nga molig-on ang among relasyon kang Jehova, ang mga ansiyano moduaw kanamo sa balay o makigsulti kanamo sa Kingdom Hall aron motanyag ug tabang ug paghupay gikan sa Kasulatan.—Santiago 5:14, 15.

Gawas sa ilang buluhaton sa kongregasyon, kadaghanan sa mga ansiyano may mga trabaho ug responsabilidad sa pamilya nga hatagan sab nilag panahon. Kining kugihang mga brader takos sa among pagtahod.—1 Tesalonica 5:12, 13.

  • Unsa ang papel sa mga ansiyano diha sa kongregasyon?

  • Sa unsang mga paagi ang mga ansiyano nagpakitag personal nga interes kanamo?

Pagkat-og Dugang

Giunsa Pag-organisar sa mga Saksi ni Jehova ang Ilang mga Kongregasyon?

Sayra kon sa unsang paagi kami nakadawat ug giya ug instruksiyon pinaagi niini nga kahikayan.

Bawtismo ug ang Imong Relasyon sa Diyos

Unsay kinahanglang himoon aron makuwalipikar sa Kristohanong bawtismo? Sayra kon unsay gisimbolohan niini ug kon unsaon kini paghimo.