Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 19

Kinsa ang Matinumanon ug Maalamong Ulipon?

Kinsa ang Matinumanon ug Maalamong Ulipon?

Kitang tanan makabenepisyo sa espirituwal nga pagkaon

Sa hapit nang mamatay si Jesus, siya nakigsulti sa upat niya ka tinun-an—si Pedro, Santiago, Juan, ug Andres. Sa dihang iyang gitagna ang ilhanan sa iyang presensiya sa kataposang mga adlaw, siya nangutana: “Kinsa ba gayod ang matinumanon ug maalamong ulipon nga gitudlo sa iyang agalon ibabaw sa iyang mga sulugoon sa panimalay, sa paghatag kanila sa ilang pagkaon sa hustong panahon?” (Mateo 24:3, 45; Marcos 13:3, 4) Gipasaligan ni Jesus ang iyang mga tinun-an nga isip ilang “agalon,” magtudlo siyag mga tigtaganag espirituwal nga pagkaon sa iyang mga sumusunod panahon sa kataposan. Kinsay naglangkob niini nga ulipon?

Sila maoy gamayng grupo sa dinihogang mga sumusunod ni Jesus. Ang “ulipon” mao ang Nagamandong Lawas sa mga Saksi ni Jehova. Sila nagtaganag espirituwal nga pagkaon sa hustong panahon sa ilang kaubang mga magsisimba kang Jehova. Kami nagdepende niining matinumanong ulipon alang sa padayong ‘pagtagana kanamog pagkaon sa hustong panahon.’—Lucas 12:42.

Sila nagdumala sa panimalay sa Diyos. (1 Timoteo 3:15) Gihatag ni Jesus sa ulipon ang bug-at nga responsibilidad sa pagdumala sa buluhaton sa yutan-ong bahin sa organisasyon ni Jehova—pag-atiman sa materyal nga kahinguhaan, pagdumala sa buluhatong pagsangyaw, ug pagtudlo kanamo pinaagi sa among mga kongregasyon. Busa, aron matagan-an kami sa among gikinahanglan sa hustong panahon, ang “matinumanon ug maalamong ulipon” nag-apod-apod ug espirituwal nga pagkaon pinaagi sa mga publikasyon nga among gigamit sa among ministeryo ug sa mga programa sa among mga tigom ug asembliya.

Ang ulipon matinumanon sa mga kamatuoran sa Bibliya ug sa pagsangyaw sa maayong balita, ug kini maalamon nga nag-atiman sa intereses ni Kristo sa yuta. (Buhat 10:42) Sa panalangin ni Jehova, miuswag ang buluhaton niini ug midagaya ang espirituwal nga pagkaon.—Isaias 60:22; 65:13.

  • Kinsay gitudlo ni Jesus sa pagtaganag espirituwal nga pagkaon sa iyang mga tinun-an?

  • Sa unsang mga paagi matinumanon ug maalamon ang ulipon?

Pagkat-og Dugang

ANG BANTAYANANG TORRE—TUN-ANANG EDISYON

“Kinsa ba Gayod ang Matinumanon ug Maalamong Ulipon?”

Kini nga artikulo maghatag ug dugang katin-awan sa atong pagsabot labot sa matinumanon ug maalamong ulipon. Tagda kon sa unsang paagi ang atong espirituwal nga kahimsog nag-agad sa maong ulipon.