Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 27

Sa Unsang Paagi Mapahimuslan Nato ang Librarya sa Kingdom Hall?

Sa Unsang Paagi Mapahimuslan Nato ang Librarya sa Kingdom Hall?

Israel

Czech Republic

Benin

Cayman Islands

Gusto ba nimong manukiduki aron mouswag ang imong kahibalo sa Bibliya? Interesado ka bang mahibalo bahin sa usa ka teksto o tawo, lugar, o butang nga gihisgotan sa Bibliya? O nahibulong ka ba kon ang Bibliya makatabang sa imong problema? Nan, adtoa ang librarya sa Kingdom Hall.

Kini dunay makatabang nga mga galamiton sa panukiduki. Lagmit wala ka makabaton sa tanang binase-sa-Bibliya nga publikasyon sa mga Saksi ni Jehova diha sa imong pinulongan. Apan kadaghanan sa bag-ong mga publikasyon anaa sa librarya sa Kingdom Hall. Lagmit, kini usab may lainlaing hubad sa Bibliya, diksiyonaryo, ug ubang reperensiya. Magamit nimo ang bisan unsang publikasyon sa librarya una o human sa tigom. Kon dunay computer, lagmit kini dunay Watchtower Library. Usa kini ka electronic program nga naundan sa daghan namong publikasyon, ug sayon ra ang pagpangitag reperensiya bahin sa usa ka ulohan, pulong, o teksto.

Kini mapuslanon sa mga estudyante sa Tigom nga Kinabuhi ug Ministeryo. Puwede nimong gamiton ang librarya sa Kingdom Hall dihang mangandam sa imong bahin. Ang tigdumala sa Tigom nga Kinabuhi ug Ministeryo maoy nag-atiman sa librarya. Iyang paneguroon nga anaa ang kinabag-ohang mga publikasyon ug kini maayong pagkaareglar. Siya o ang nag-Bible study nimo makatabang kanimo sa pagpangita sa gikinahanglan nimong impormasyon. Apan, ang bisan unsang libro sa librarya dili mahimong kuhaon gikan sa Kingdom Hall. Ug siyempre, ampingan gyod nato paggamit ang mga libro ug dili kini sulatan.

Ang Bibliya miingon nga aron ‘makaplagan ang kahibalo sa Diyos,’ angayng andam ta sa pagpangita niini “ingon sa tinagong mga bahandi.” (Proverbio 2:1-5) Ang librarya sa Kingdom Hall makatabang kanimo sa pagsugod sa pagpangita niini.

  • Unsang mga galamiton sa panukiduki ang anaa sa librarya sa Kingdom Hall?

  • Kinsay makatabang aron mapahimuslan nimo ang librarya?