Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 25

Mga Kingdom Hall—Ngano ug Giunsa Pagtukod?

Mga Kingdom Hall—Ngano ug Giunsa Pagtukod?

Bolivia

Nigeria, kaniadto ug karon

Tahiti

Ingon sa gipasabot sa ngalang Kingdom Hall, ang pangunang pagtulon-an sa Bibliya nga ginahisgotan didto mao ang Gingharian sa Diyos, nga maoy tema sa ministeryo ni Jesus.—Lucas 8:1.

Sentro sa matuod nga pagsimba sa komunidad. Giorganisar diha sa Kingdom Hall ang pagsangyaw sa maayong balita sa Gingharian sa lokal nga teritoryo. (Mateo 24:14) Lainlaig gidak-on ug disenyo ang mga Kingdom Hall, apan ang tanan simpleng mga tinukod, ug sa daghan niini, dili usa ra ka kongregasyon ang naggamit. Di pa dugay, libolibong Kingdom Hall ang natukod (sa aberids nga 5 kada adlaw) alang sa nagkadaghang magmamantala ug kongregasyon. Sa unsang paagi naposible kini?—Mateo 19:26.

Natukod tungod sa mga donasyon. Ang donasyon ipadala ngadto sa sangang buhatan aron may pondo nga magamit sa mga kongregasyon sa pagtukod o pagremodel ug Kingdom Hall.

Gitukod sa way-suweldong mga boluntaryo nga lainlaig kagikan ug kahimtang. Sa daghang nasod, giorganisar ang mga Kingdom Hall Construction Group. Ang mga grupo sa bug-os panahong mga tigtukod ug mga boluntaryo mobalhin sa lainlaing kongregasyon sa usa ka nasod, bisan sa hilit nga mga lugar, aron motabang sa lokal nga mga kongregasyon sa pagtukod sa ilang Kingdom Hall. Sa ubang nasod, gitudlo ang kuwalipikadong mga Saksi sa pagdumala sa pagtukod ug pagremodel sa mga Kingdom Hall sa rehiyong giasayn kanila. Bisan tuod daghang may kahanas ang moboluntaryo sa pagtrabaho sa matag proyekto, ang kadaghanang boluntaryo membro sa lokal nga kongregasyon. Kini naposible tungod sa espiritu ni Jehova ug sa tibuok kalag nga paningkamot sa iyang mga alagad.—Salmo 127:1; Colosas 3:23.

  • Nganong ginganlag Kingdom Hall ang among tigomanan?

  • Sa unsang paagi naposible ang pagtukod ug mga Kingdom Hall sa tibuok kalibotan?

Pagkat-og Dugang

Unsay Ginahimo Diha sa Kingdom Hall?

Tan-awa ang video aron imong masayran.

Giunsa Pagpahigayon ang mga Tigom sa mga Saksi ni Jehova?

Gusto ka bang masayod kon unsay anaa sa among mga tigom? Makadayeg ka gayod kon unsa ka nindot nga edukasyon gikan sa Bibliya ang imong madawat didto.