Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

 LEKSIYON 17

Sa Unsang Paagi Ginatabangan Mi sa mga Circuit Overseer?

Sa Unsang Paagi Ginatabangan Mi sa mga Circuit Overseer?

Malawi

Grupo sa pagsangyaw

Pagsangyaw sa kanataran

Miting sa mga ansiyano

Ang Kristohanon Gregong Kasulatan subsob naghisgot kang Bernabe ug apostol Pablo. Sila maoy mga nagapanawng magtatan-aw nga nagduaw sa mga kongregasyon sa unang siglo. Ngano? Sila interesado gayod sa kaayohan sa ilang mga isigkamagtutuo. Miingon si Pablo nga buot niyang ‘mobalik ug duawon ang mga igsoon’ sa pagsusi kanila. Andam siya sa pagpanawg gatosan ka kilometros sa paglig-on kanila. (Buhat 15:36) Kana ang tinguha sa among mga nagapanawng magtatan-aw karon.

Sila moduaw aron palig-onon mi. Ang matag circuit overseer moduawg 20 ka kongregasyon o kapin pa, nga mogugol ug usa ka semana sa matag kongregasyon, 2 ka beses kada tuig. Makabenepisyo gayod kami sa kasinatian sa maong mga brader ug sa ilang mga asawa, kon minyo. Sila naningkamot nga makaila sa batag tigulang, ug ikag nga mouban kanamo sa pagsangyaw ug pagdumalag mga pagtuon sa Bibliya. Sila moduaw sa mga igsoon kuyog sa mga ansiyano, ug mohatag silag mga pakigpulong diha sa tigom ug asembliya aron palig-onon kami.—Buhat 15:35.

Sila magpakitag interes sa tanan. Ang mga circuit overseer interesado gayod sa espirituwalidad sa mga kongregasyon. Sila makigmiting sa mga ansiyano ug ministeryal nga alagad aron sa paghisgot sa nahimong pag-uswag ug paghatag ug tambag kon unsaon pagtuman sa ilang mga responsabilidad. Sila motabang sa mga payunir nga molampos sa ministeryo ug malipayng makighimamat sa mga bag-ohan ug makabati sa ilang pag-uswag sa kamatuoran. Ang matag usa kanila naghago gayod ingong “isigkamagbubuhat alang sa [atong] kaayohan.” (2 Corinto 8:23) Angay natong sundogon ang ilang pagtuo ug debosyon sa Diyos.—Hebreohanon 13:7.

  • Nganong ang mga circuit overseer moduaw sa mga kongregasyon?

  • Sa unsang paagi makabenepisyo ka sa ilang pagduaw?

Pagkat-og Dugang

KINSAY NAGABUHAT SA KABUBUT-ON NI JEHOVA KARON?

Nganong Motambong ang mga Saksi ni Jehova ug mga Asembliya?

Kada tuig, duna miy tulo ka espesyal nga panagkatigom. Sa unsang paagi ka makabenepisyo niini nga mga panagkatigom?

KINSAY NAGABUHAT SA KABUBUT-ON NI JEHOVA KARON?

Giunsa Pag-organisar sa mga Saksi ni Jehova ang Ilang Buluhatong Pagsangyaw?

Gisunod namo ang sumbanan ni Jesus sa dinhi pa siya sa yuta. Unsa ang pipila niini ka paagi sa pagsangyaw?