Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinsay Nagabuhat sa Kabubut-on ni Jehova Karon?

Buhaton Mo ba ang Kabubut-on ni Jehova?

Buhaton Mo ba ang Kabubut-on ni Jehova?

Salamat nga imong gibasa kini nga brosyur aron ikaw masinati sa mga Saksi ni Jehova ingong katawhan sa Diyos, masayod sa among mga kalihokan, ug mahibalo kon sa unsang paagi naglihok ang among organisasyon. Hinaot nakatabang kini kanimo sa pag-ila nga kami ang nagbuhat sa kabubut-on ni Jehova karon. Gidasig ka namo nga padayong mokuhag kahibalo sa Diyos, ipaambit ang imong nakat-onan sa imong pamilya ug mga higala, ug motambong nga regular sa among mga tigom.—Hebreohanon 10:23-25.

Samtang mouswag ang imong kahibalo bahin kang Jehova, imong masabtan kon unsa ka dako ang iyang paghigugma kanimo. Kana magtukmod kanimo nga balosan ang iyang gugma kutob sa imong maarangan. (1 Juan 4:8-10, 19) Apan unsaon nimo kana pagpakita sa imong matag adlawng pagkinabuhi? Nganong makaayo kanimo ang pagsunod sa iyang moral nga mga sukdanan? Ug unsay makatabang kanimo nga makabatog tinguha sa pagbuhat sa kabubut-on sa Diyos duyog kanamo? Ang nag-Bible study kanimo malipayng motabang sa pagpangita sa mga tubag aron ikaw ug ang imong pamilya makapabilin “sa gugma sa Diyos, . . . nga nagapanglantaw sa kinabuhing walay kataposan.”—Judas 21.

Kinasingkasing kaming nagdasig kanimo nga magpadayon sa pag-uswag sa kamatuoran pinaagi sa pagtuon sab sa publikasyon nga Magpabilin Kamo sa Gugma sa Diyos.