Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Gingharian sa Diyos Nagmando Na!

Wala: Kataposang pagselebrar sa Pasko sa pamilyang Bethel sa Brooklyn, 1926; tuo: Mamatikdan sa mga tawo nga lahi ang mga Saksi ni Jehova

 SEKSIYON 3

Mga Sukdanan sa Gingharian—Pagpangita sa Pagkamatarong sa Diyos

Mga Sukdanan sa Gingharian—Pagpangita sa Pagkamatarong sa Diyos

 PAG-AGI nimo sa imong silingan, miwarawara ka sa imong kamot. Di pa dugay, namatikdan nimong siya naniid sa inyong pamilya. Mibalos siya ug nangamay nimo. Siya miingon: “Duna koy pangutana. Nganong lahi kaayo mo?” “Unsay imong ipasabot?” mitubag ka. Siya miingon: “Mga Saksi ni Jehova mo, di ba? Lahi mo sa uban. Lahi sab mo sa ubang relihiyon—wala moy mga selebrasyon, ug dili mo moentrag politika ug giyera. Dili mo manigarilyo. Ug ang inyong pamilya morag taas ug sukdanan sa moralidad. Unsa bay rason nga lahi man mo kaayo?”

Nahibalo kang usa ray rason: Kita nagkinabuhi ubos sa pagmando sa Gingharian sa Diyos. Ingong Hari, si Jesus kanunayng nagdalisay nato. Nagtabang siya nato sa pagsunod sa iyang mga lakang, ug busa kita nailhang lahi niining daotang kalibotan. Niini nga seksiyon, makita nato kon giunsa sa Mesiyanikong Gingharian pagdalisay ang katawhan sa Diyos sa espirituwal, moral, ug organisasyonal nga paagi—ang tanan sa kadayeganan ni Jehova.

NIINI NGA SEKSIYON

KAPITULO 10

Ang Hari Nagdalisay sa Espirituwalidad sa Iyang Katawhan

Sa unsang butang magkapareho ang Pasko ug krus?

KAPITULO 11

Pagdalisay sa Moralidad—Nagbanaag sa Pagkabalaan sa Diyos

Ang mga lawak bantayanan ug agianan sa templo sa panan-awon ni Ezequiel dunay espesyal nga kahulogan para sa katawhan sa Diyos sukad sa 1914.

KAPITULO 12

Organisado Aron Mag-alagad sa “Diyos sa Kalinaw”

Gitugbang sa Bibliya ang kasamok ngadto sa kalinaw, dili sa kahapsay. Ngano? Sa unsang paagi ang tubag makaapektar sa mga Kristohanon karon?