Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Gingharian sa Diyos Nagmando Na!

Wala: Colporteur nga sister nagsangyaw sa Korea, 1931; tuo: Pagsangyaw sa sign language sa Korea karon

 SEKSIYON 2

Pagsangyaw sa Gingharian—Pagsangyaw sa Maayong Balita sa Tibuok Kalibotan

Pagsangyaw sa Gingharian—Pagsangyaw sa Maayong Balita sa Tibuok Kalibotan

 SA ADLAW nga wala kay trabaho, sayo kang nangandam aron mosangyaw. Pero mihunong ka kadiyot kay mora kag gikapoy. Lami kaayong ipahulay! Pero giampo nimo kini ug nakadesisyon kang modayon. Napartner nimo sa pagsangyaw ang usa ka matinumanong edarang sister ug nakadayeg ka sa iyang kamalahutayon ug kabuotan. Samtang namalaybalay mo, nakahunahuna kang ang mga igsoon sa tibuok kalibotan nagsangyaw sa samang mensahe sa kamatuoran, naggamit sa samang literatura, ug nakabenepisyo sa samang pagbansay. Pag-uli nimo, mibati kag kalagsik. Nalipay ka kaayo nga wala ka magpabilin sa balay!

Karon, ang Kristohanong ministeryo mao ang pangunang buluhaton sa Gingharian sa Diyos. Gitagna ni Jesus nga sa kataposang mga adlaw, mokaylap pag-ayo ang pagsangyaw. (Mat. 24:14) Sa unsang paagi natuman ang iyang tagna? Niining seksiyona, atong hisgotan ang mga tawo, paagi, ug galamiton nga importante kaayo sa Kristohanong ministeryo, nga nagtabang sa minilyong tawo sa tibuok kalibotan nga masabtan nga tinuod ang Gingharian sa Diyos.

NIINI NGA SEKSIYON

KAPITULO 6

Katawhan nga Nagwali—Nagtanyag sa Ilang Kaugalingon nga Kinabubut-on

Nganong masaligon si Jesus nga may panon siya sa kinabubut-ong magsasangyaw sa kataposang mga adlaw? Unsaon nimo pagpakita nga giuna nimo ang Gingharian?

KAPITULO 7

Mga Paagi sa Pagsangyaw—Tanan Gigamit Aron Maabot ang Katawhan

Sayra ang bag-ong paagi nga gigamit sa katawhan sa Diyos aron makaabot ang maayong balita sa daghang tawo una modangat ang kataposan.

KAPITULO 8

Mga Galamiton sa Pagsangyaw—Paghimog Literatura Para sa Tibuok Kalibotan

Sa unsang paagi ang atong buluhatong paghubad nagpamatuod nga kita gipaluyohan sa Hari? Unsang mga impormasyon bahin sa atong publikasyon ang nagkombinsir nimo nga tinuod ang Gingharian?

KAPITULO 9

Resulta sa Pagsangyaw—“Ang Kaumahan . . . Puti na Aron Anihon”

Gitudloan ni Jesus ang iyang mga tinun-an ug duha ka importanteng leksiyon bahin sa espirituwal nga pagpangani. Unsay epekto niini nga mga leksiyon kanato?