Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsa ang Gingharian sa Diyos?

Unsa ang Gingharian sa Diyos?

Kini ba . . .

  • naa sa imong kasingkasing?

  • simboliko lang?

  • gobyerno sa langit?

 KON UNSAY GIINGON SA BIBLIYA

“Ang Diyos sa langit magatukod ug usa ka gingharian nga dili gayod malumpag.”—Daniel 2:44, Bag-ong Kalibotang Hubad.

“Adunay usa ka anak nga lalaki nga gihatag kanato; ug ang prinsipenhong pagmando [o gobyerno] mahipatong sa iyang abaga.”—Isaias 9:6.

KON UNSAY KAAYOHAN NIINI ALANG KANIMO

 MAKATUO BA GYOD TA SA GIINGON SA BIBLIYA?

Oo, tungod sa duha ka rason:

  • Gipakita ni Jesus kon unsay himoon sa Gingharian sa Diyos. Si Jesus nagtudlo sa iyang mga sumusunod sa pag-ampo nga moabot ang Gingharian sa Diyos ug matuman ang kabubut-on sa Diyos dinhi sa yuta. (Mateo 6:9, 10) Gipakita niya kon unsa unyay tubag niana nga pag-ampo.

    Sa dinhi pa si Jesus sa yuta, siya nagpakaon sa gigutom, nag-ayog mga masakiton, ug nagbanhawg patay! (Mateo 15:29-38; Juan 11:38-44) Ingong umaabot nga Hari sa Gingharian sa Diyos, gipakita ni Jesus kon unsay himoon niana nga Gingharian alang sa mga sakop niini.—Pinadayag 11:15.

  • Ang mga panghitabo sa kalibotan nagpamatuod nga hapit nang moabot ang Gingharian sa Diyos. Si Jesus nagtagna nga una pa ipahinabo sa Gingharian ang pakigdait dinhi sa yuta, mahitabo ang daghang gubat, gutom, ug linog.—Mateo 24:3, 7.

    Mao gayod kanay nagakahitabo karon. Busa makaseguro ta nga hapit nang taposon sa Gingharian sa Diyos ang tanang problema.

 HUNAHUNAA KINI

Unsay kahimtang kon magmando na ang Gingharian sa Diyos?

Ang Bibliya nagtubag niana sa SALMO 37:29 ug ISAIAS 65:21-23.

Pagkat-og Dugang

Kalinaw sa Yuta—Sa Unsang Paagi Kini Makab-ot?

Sayra kon unsay gisaad sa Diyos bahin sa pagpatunghag kalinaw sa yuta pinaagi sa iyang Gingharian.

Unsa ang Katuyoan sa Diyos Alang sa Yuta?

Gisaysay sa Bibliya kon nganong gilalang sa Diyos ang yuta, kon kanus-a matapos ang pag-antos ug kon unsay mahitabo sa umaabot alang sa yuta ug niadtong magpuyo niana.