Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Balik Kang Jehova

Konklusyon

Konklusyon

Maghunahuna ba ka usahay sa malipayong mga panahon niadtong kauban pa nimo ang mga alagad ni Jehova—sama sa makapadasig nga tigom sa kongregasyon, sadya nga kombensiyon, nindot nga kasinatian sa ministeryo, o bisag ang simpleng pagpakig-estorya sa igsoon? Kon mao, wala ka malimot kang Jehova; wala sab siya malimot nimo. Siya naghandom sa imong matinumanong pag-alagad. Ug gusto kaayo siyang motabang nimo nga makabalik kaniya.

Si Jehova nag-ingon: “Pangitaon ko ang akong mga karnero ug atimanon ko sila. Ingon sa pag-atiman sa usa nga nagpakaon sa iyang panon sa adlaw nga siya mahiabot sa taliwala sa iyang mga karnero nga napatlaag sa halayo, sa maong paagi usab atimanon ko ang akong mga karnero; ug luwason ko sila gikan sa tanang dapit diin sila natibulaag.”—Ezequiel 34:11, 12.