Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2016 Tinuig nga Basahon sa mga Saksi ni Jehova

 MAKAIIKAG NGA REPORT SA MIAGING TUIG

Dedikasyon sa Sangang Buhatan

Dedikasyon sa Sangang Buhatan

“LIPAY kaayo ko,” miingon ang usa ka sister nga mitambong sa dedikasyon sa sangang buhatan sa Madagascar. Gipahigayon kini niadtong Sabado, Enero 24, 2015. Siya ug ang 583 ka bisita lipay kaayong nakita ang bag-ong puy-anan nga may 19 ka kuwarto, apil ang gipadak-ang kan-anan ug giusab nga kosina. Mas daghan nag opisina para sa departamento sa Service, Accounting, ug Local/Design Construction. Dugang pa, naa nay bag-ong studio ang Audio/Video ug Sign Language. Gisugdan sab ang paghimog Braille nga publikasyon. Gihisgotan sa programa ang kasaysayan sa buluhatong pagsangyaw sa Madagascar. Dihang gihatag na ni Mark Sanderson nga membro sa Nagamandong Lawas ang pakigpulong sa dedikasyon, lipay kaayo ang nanambong.

Bag-ong 19 ka kuwartong puy-anan sa sangang buhatan sa Madagascar

 Nahupay gyod ang katawhan ni Jehova sa Jakarta, Indonesia, paghubas sa baha sa siyudad niadtong Pebrero 14, 2015—ang adlaw sa dedikasyon sa bag-ong pasilidad sa sangang buhatan. Giokupar sa sangang buhatan ang usa ka andana sa 42-andanas nga bilding, ug 12 ka andana sa tupad nga bilding. Ang pipila ka departamento sa Bethel naa sa ubang bilding sa duol. Si Anthony Morris nga membro sa Nagamandong Lawas ang mihatag sa pakigpulong sa dedikasyon. Pagkasunod adlaw, iyang gihatag ang pakigpulong nga “Lahutay sa Pagbuhat sa Maayong Buluhaton” diha sa soccer stadium, ug 15,257 ang nanambong. Ang programa gi-hook-up sa 41 ka lokasyon ug 11,189 ang nakapaminaw. Kini ang kinadak-ang panagkatigom sa katawhan ni Jehova sa Indonesia. Si Ronald Jacka nga unang misyonaryo sa Indonesia miingon: “Pag-abot nako niadtong 1951, diha ray 26 ka magmamantala sa tibuok Indonesia. Pero karon, kapig 26,000 ang mitambong aning espesyal nga programa. Gipanalanginan gyod ni Jehova ang iyang katawhan sa Indonesia!”