Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

2016 Tinuig nga Basahon sa mga Saksi ni Jehova

 INDONESIA

Gisunod ang Instruksiyon ug Naluwas!

Blasius da Gomes

Gisunod ang Instruksiyon ug Naluwas!
  • NATAWO 1963

  • NABAWTISMOHAN 1995

  • MUBONG IMPORMASYON Ansiyano nga mahigugmaong nag-atiman sa panon bisan pa sa panag-away sa mga relihiyon sa isla sa Ambon, sakop sa Maluku Islands.

NIADTONG Enero 19, 1999, ang dugay nga pagdinumtanay sa Muslim ug Kristiyano miresultag pagbanaw sa dugo. Gubot kaayo ang kahimtang. * Nahitabo ni tulo ka kilometro gikan sa akong balay.

Human maasikaso akong pamilya, gitawgan nako sa telepono ang ubang igsoon aron mahibaloan ang ilang kahimtang. Gitambagan nako sila nga magpabiling kalmado ug likayan ang delikadong mga lugar. Sa ulahi, giduaw sila sa mga ansiyano aron palig-onon ilang espirituwalidad ug dasigon nga magtigom sa ginagmayng grupo.

Gisultihan mi sa sangang buhatan nga pabakweton ang mga igsoong nagpuyo sa delikadong mga lugar, ug among gipasa ang maong instruksiyon ngadto sa daghang pamilya. Sa ulahi, gipatay sa armadong grupo ang usa ka brader nga wala mohawa. Pero ang tanang misunod sa instruksiyon sa sangang buhatan wala maunsa.

^ par. 1 Kapig duha ka tuig ang kagubot sa probinsiya sa Maluku ug libolibong tawo ang namakwet.