Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2016 Tinuig nga Basahon sa mga Saksi ni Jehova

 INDONESIA

Naluwas Ko sa mga Kamot sa Komunista

Ronald Jacka

Naluwas Ko sa mga Kamot sa Komunista
  • NATAWO 1928

  • NABAWTISMOHAN 1941

  • MUBONG IMPORMASYON Alagad sa sangang buhatan sa Indonesia sa kapig 25 ka tuig.

KADLAWON sa Oktubre 1, 1965, unom ka iladong heneral ang gipatay sa mga sundalo aron ilogon ang gobyerno. Ang mga sundalo gituohang membro sa Indonesian Communist Party (PKI). Mibalos dayon nga way kokaluoy ang gobyerno. Mga 500,000 ka gidudahang komunista ang gipamatay. Matod sa uban, ang mga sundalo “nagpatuyang sa pagpamatay.”

Pipila ka semana human mapakyas ang rebelyon, gisultihan ko sa taas ug ranggong opisyal nga apil ko sa mga lider sa relihiyon nga giplanohang patyon sa komunista. Ug ako pa gyod ang una sa listahan! Gusto pa gani niyang ipakita kon asa ko giplanohang ilubong, pero matinahoron kong mibalibad. Init kaayo ang kahimtang sa politika niadtong panahona, ug dili ko gustong makita nga nag-uban-uban niya kay madaot akong reputasyon ingong neyutral sa politika.

Pagkat-og Dugang