Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2016 Tinuig nga Basahon sa mga Saksi ni Jehova

 INDONESIA

Mubong Impormasyon sa Indonesia

Mubong Impormasyon sa Indonesia

Yuta Ang Indonesia naa dapit sa equator. Makita sa ibabaw niini ang ubang bahin sa Asia ug sa ubos ang Australia. Kay may kapig 17,500 ka isla, kini ang nasod nga kinadaghanag isla, nga kasagaran bukiron ug baga ang kalasangan. Kini sab ang rehiyon nga may kinadaghanang aktibong bolkan, nga kapig 100.

Katawhan Indonesia ang ikaupat sa kinadaghanag populasyon sa kalibotan (una ang China, sunod ang India, dayon United States), ug kini may kapig 300 ka tribo. Kapin sa katunga sa populasyon mao ang mga tribong Javanese ug Sundanese.

 Relihiyon Muslim ang halos 90 porsiyento sa taga-Indonesia. Ang uban kasagaran Hindu, Budhista, o nag-angkong Kristohanon. Daghan sab ang nagsunod sa relihiyon sa ilang tribo.

Pinulongan Kapig 700 ka pinulongan sa lainlaing isla. Ang pinulongan nga gigamit sa tibuok nasod maoy Indonesian, nga gikan sa pinulongang Malay. Pero sagad gamiton nila ang ilang kaugalingong pinulongan diha sa balay.

Panginabuhi Daghan ang mag-uuma o negosyante. Abunda ang nasod sa mga minerales, tabla, krudo, ug gas. Kini sab ang pangunang tigsuplay ug goma ug palm oil.

Pagkaon Kan-ong humay ang kasagarang pagkaon. Popular ang nasi goréng (sinangag nga may utan ug itlog), satay (barbikyu), ug gado-gado (salad nga naay sarsa nga mani).

Klima Init ug igang. Tungod sa hanging habagat ug amihan, dunay ting-init ug ting-ulan. Pirmeng may bagyo.