Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2016 Tinuig nga Basahon sa mga Saksi ni Jehova

 INDONESIA

Bibelkring

Bibelkring

SA ULAHING bahin sa mga tuig sa 1930, natukod duol sa Lake Toba sa North Sumatra ang bag-ong relihiyon nga gitawag ug Bibelkring (Dutch nga pulong nga nagkahulogan ug “grupo sa mga estudyante sa Bibliya”). Kini nga relihiyon nagsugod dihang daghang maestro ang midawat ug literatura gikan sa mibisitang payunir, nga tingali si Eric Ewins kinsa nagsangyaw nianang dapita niadtong 1936. Tungod sa ilang nabasa, wala na sila mosimba sa Batak Protestant Church ug nag-organisar silag mga grupo sa pagtuon sa Bibliya. Midaghan ang ilang grupo ug mga membro. *

Kanhing membro sa Bibelkring nga si Dame Simbolon, Saksi na karon

Tungod sa ilang nabasa sa literatura, daghang kamatuoran sa Bibliya ang gidawat sa unang mga membro sa Bibelkring. “Dili sila mosaludo sa bandera, mag-Pasko, ug mag-birthday. Ang uban gani magsangyaw sa balay ug balay,” miingon si Dame Simbolon, kanhing membro nga na-Saksi niadtong 1972. Kay dili man bahin sa organisasyon sa Diyos, ang maong relihiyon nahimong biktima sa tawhanong panghunahuna. “Ang mga babaye dili puwedeng magmek-ap, magsul-ob ug alahas, modernong sinina, o bisag sapatos,” miingon si Limeria Nadapdap, laing membro kanhi nga igsoon na nato karon. “Gidid-an sab ang mga membro sa pagkuhag national I.D., nga nakapasuko sa gobyerno.”

Sa ngadtongadto, ang Bibelkring nagkabahinbahin ug anam-anam nga namingaw. Dihang miduaw ang mga payunir sa Lake Toba sa ulahi, daghang membro kanhi sa Bibelkring ang nahimong Saksi.

^ par. 1 Ang ubang reperensiya nagbanabana nga miabot ug libolibo ang membro sa Bibelkring.