Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

2015 Tinuig nga Basahon sa mga Saksi ni Jehova

 MAKAIIKAG NGA REPORT SA MIAGING TUIG

Dedikasyon sa Branch sa Sri Lanka

Dedikasyon sa Branch sa Sri Lanka

ANG lokal nga mga igsoon nga nagsul-ob sa ilang tradisyonal nga sinina, mainitong nag-abiabi sa 130 ka delegado gikan sa 19 ka nasod nga mitambong sa dedikasyon sa branch niining nindot nga isla. Ang usa ka grupo sa mga bata nangantag mga awit sa Gingharian ug ang tanan nalingaw sa nindot nga musika, lami nga pagkaon, ug panag-ubanay. Nalingaw sab sila sa nindot nga mga displey bahin sa kultura sa nasod.

Ang bag-ong tinukod ug ang giayo nga mga pasilidad sa branch gidedikar kang Jehova sa Sabado, Enero 11, 2014, ug 893 ang mitambong sa programa nga gipahigayon sa tulo ka pinulongan. Dugay nahuman ang pagpamakpak dihang si Mark Sanderson sa Nagamandong Lawas nangutana,  “Gusto ba ninyong idedikar kang Jehova nga Diyos kining bag-ong mga pasilidad?”

Pagkaugma, 7,701 ang nakapahimulos sa replay sa Sabado nga programa ug sa makapadasig nga pakigpulong ni Brader Sanderson. Lima ka dagkong tigomanan sa tibuok nasod dungan nga nagtan-aw sa programa. Sa unang higayon, ang mga igsoon sa lainlaing bahin sa isla nakadungog ug nakakita sa usag-usa pinaagig video streaming samtang sila nanganta sa mga awit sa Gingharian. Usa ka “dakong kalipay” ang maong okasyon.—Neh. 12:43.