Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2015 Tinuig nga Basahon sa mga Saksi ni Jehova

 MAKAIIKAG NGA REPORT SA MIAGING TUIG

Kinadak-ang Panagkatigom sa mga Saksi ni Jehova

Kinadak-ang Panagkatigom sa mga Saksi ni Jehova

SA Sabado, Oktubre 5, 2013, dihay 257,294 gikan sa 21 ka nasod nga mitambong o mitan-aw pinaagig live Webcast sa ika-129 nga tinuig nga miting sa Watch Tower Bible and Tract Society of Pennsylvania. Pagkahuman niana, ang programa gi-replay aron makita sa ubang igsoon. Tanantanan, 1,413,676 gikan sa 31 ka kayutaan ang nakapahimulos sa programa. Kini ang kinadak-ang panagkatigom sa mga Saksi ni Jehova sukad.

Sukad sa dekada sa 1920, ang mga Saksi ni Jehova nagsibya na sa mga kombensiyon ngadto sa lainlaing nasod pinaagig linya sa telepono ug mga estasyon sa radyo. Karon ang mga tawo, bisan kadtong anaa sa lagyong  lugar, makahimo na sa pagtan-aw sa mga programa pinaagig Internet—live man o replay.

Ang mga igsoon sa lainlaing branch office migugol ug kapig usa ka tuig sa pag-set up sa Webcast. Panahon sa pag-Webcast, ang mga teknisyan sa control center sa Brooklyn, New York nagmonitor sa programa adlaw ug gabii samtang gipasalida kana sa lainlaing lugar sa tibuok kalibotan.

Pagkat-og Dugang

Makaiikag nga Report sa Tinuig nga Miting—Oktubre 2013

Tan-awa ang report niining makaiikag ug makasaysayanhong programa, nga gikonektar sa 1,830 ka lugar sa tibuok kalibotan.