Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2015 Tinuig nga Basahon sa mga Saksi ni Jehova

 MAKAIIKAG NGA REPORT SA MIAGING TUIG

Worldwide Design/Construction Department

Worldwide Design/Construction Department

TUNGOD sa paspas nga pag-uswag sa organisasyon ni Jehova, midako sab ang panginahanglan sa dugang mga Kingdom Hall, Assembly Hall, pasilidad para sa tunghaan sa organisasyon, remote translation office, ug mga bilding sa branch sa lainlaing lugar. Busa sa Oktubre 2013, ang Nagamandong Lawas nagporma ug bag-ong departamento aron ang pagdisenyo, pagtukod, pag-ayo, ug pagmentinar sa atong mga pasilidad mahimo sa kinamaayohang paagi nga menos ug gasto. Kini nga departamento, nga gitawag ug Worldwide Design/Construction Department (WDC), anaa sa world headquarters sa Brooklyn, New York. Gidumala  kini sa Publishing Committee sa Nagamandong Lawas.

Ang WDC maoy nagdumala sa mga Regional Design/Construction Department diha sa mga branch office sa Australia, Germany, South Africa, ug United States. Kini nga mga departamento ang nagdumala sa pagdisenyo, pagtukod, ug pagmentinar sa mga pasilidad diha sa mga rehiyon nga sakop nila. Tumong nila nga mapadali ang pagpanukod ug mga Kingdom Hall. Sa miagi, ang mga Kingdom Hall gitukod pinaagi sa tabang sa Regional Building Committee o sa programa para sa kabos nga mga nasod. Karon, kining duha giusa na sa tuyo nga mas mapadali ang pagpanukod.

Aron maorganisar ang pagpanukod ug mga Kingdom Hall ug Assembly Hall sa matag branch, giporma ang Local Design/Construction Department nga gidumala sa lokal nga Branch Committee. Tungod niini nga kausaban, ang tanang branch makahimo na sa pag-asayn ug mga construction servant aron motabang sa pagpanukod ug mga Kingdom Hall ug Assembly Hall sa ilang nasod.

Sa Abril 2014, kapig 270 ka dagkong proyekto ang kinahanglang humanon. Kini mao ang 90 ka remote translation office, 35 ka Assembly Hall, ug 130 ka proyekto sa branch. Gawas niini, kapig 14,000 pa ka Kingdom Hall ang kinahanglang tukoron o ayohon.

Makapadasig gyod nga makita nga bisan pag magkalahig kagikan, kultura, ug pinulongan, ang katawhan ni Jehova nagkahiusa sa pagtukod ug mga pasilidad alang sa kadayeganan ug kahimayaan sa iyang balaang ngalan! Si Dan Molchan sa Personnel Committee Office sa world headquarters miingon, “Daghan pa  kaayong trabaho ang kinahanglang humanon, maong gipabilhan gyod namo ang pag-ampo sa mga igsoon ug ang ilang mga donasyon sa pagsuporta sa buluhaton. Dako sab ang among pasalamat sa mga igsoon nga miboluntaryo sa pagtabang niini nga mga proyekto.”

Pagkat-og Dugang

Pagpanukod ug mga Kingdom Hall sa Hilit nga mga Lugar

Tan-awa kon giunsa pagtukod sa lima ka grupo sa mga boluntaryo ang duha ka Kingdom Hall sa 28 ka adlaw.

Giunsa sa mga Saksi ni Jehova Pagsuportar sa Pinansiyal ang Ilang Buluhaton?

Sayra kon sa unsang paagi miuswag ang pagsangyaw sa tibuok kalibotan nga walay pagpangolekta o ikapulo.