Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2015 Tinuig nga Basahon sa mga Saksi ni Jehova

 DOMINICAN REPUBLIC

Militanteng Ateyista Nahimong Alagad sa Diyos

Juan Crispín

Militanteng Ateyista Nahimong Alagad sa Diyos
  • NATAWO 1944

  • NABAWTISMOHAN 1964

  • MUBONG IMPORMASYON Kanhing ateyista nga karon 50 ka tuig nang nag-alagad nga matinumanon kang Jehova.

INGONG batan-on, nadismaya ko sa gubot kaayo nga kasaysayan sa relihiyon. Wala sab ko makasabot kon nganong wala taposa sa Diyos ang kakabos ug inhustisya o kon nganong daghang relihiyosong tawo ang wala magsunod sa Bibliya. Busa nahimo kong ateyista, nga nagtuong masulbad ang mga problema sa kalibotan kon usbon ang sistema sa politika.

Sa 1962, nagsugod kog basa sa Pagmata! nga magasin. Dayon sa 1963, misugot kong mag-Bible study uban sa mga Saksi ni Jehova. Dako kaayog epekto ang akong nakat-onan. Nasabtan nako nga may katuyoan ang Diyos para sa katawhan ug dili siya ang mabasol sa kapintasan nga gihimo sa lainlaing relihiyon. Duha ka bulan gikan sa akong pagtuon, ginasulti na nako sa uban nga pulihan sa  Gingharian sa Diyos kining daotang sistema. Nabawtismohan ko sa 1964 ug natudlo ingong espesyal payunir pagka-1966. Nagtuo ko nga giluwas sa kamatuoran ang akong kinabuhi, kay kadaghanan sa akong mga kaubang militante kaniadto ang gipriso, pintas nga gipatay, o kinahanglang molayas sa nasod. Nagpasalamat ko kang Jehova nga gikan sa usa ka way paglaom nga ateyista, iya kong gihimong alagad ug gisaaran ug matarong nga bag-ong kalibotan.

Si Brader Crispín nga nagdumalag morning worship sa Bethel