Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2014 Tinuig nga Basahon sa Mga Saksi ni Jehova

Sulat Gikan sa Nagamandong Lawas

Sulat Gikan sa Nagamandong Lawas

Minahal nga mga Isigkaalagad:

Pagkadako sa among kalipay nga mosulat kaninyo sa sinugdanan niining hinungdanong tuig! Sa hinapos sa 2014, usa ka siglo na sukad nagmando ang atong minahal nga Haring Jesu-Kristo taliwala sa iyang mga kaaway.Sal. 110:1, 2.

Sayo niining tuiga sa pag-alagad, sa tinuig nga miting sa Watch Tower Bible and Tract Society of Pennsylvania, giluwatan sa New World Bible Translation Committee ang bag-ong rebisadong Iningles nga edisyon sa kinamaayohang hubad sa Bibliya. Gigamit ni Jehova ang iyang inanak-sa-espiritung mga anak sa pagtagana sa orihinal nga New World Translation. (Roma 8:15, 16) Dili ba kana mismo nagpakita nga espesyal kini nga hubad?

Sa daghan nang katuigan, prayoridad sa Writing Committee sa Nagamandong Lawas ang paghubad sa Bibliya. Pagkakaron, ang New  World Translation, tibuok o bahin niini, mabatonan sa 121 ka pinulongan. Kami nagdasig ninyo nga ipakita kang Jehova ang inyong dakong pagpabili sa Bibliya. Basaha ug palandonga kini kada adlaw. Sa ingon, masuod ka sa Awtor niini, si Jehova nga Diyos.Sant. 4:8.

Kita masubo dihang makadungog sa mga pagsulay nga gisagubang sa atong minahal nga mga igsoon. Busa hisabtan nga malisdan tawon sila sa pagmaya duyog sa mga igsoon. Pananglitan, daw nahugno ang kalibotan sa usa ka pamilya sa Asia dihang kalit nga naparalisar ang tibuok lawas sa ilang inahan. Ang mga doktor wala makaayo kaniya kay dili nila madayagnos kon unsa gyoy iyang sakit. Pagkamakapasubo! Karon, ang bana maoy nangunay sa pag-atiman kaniya. Ang ilang anak nga lalaki ug duha ka anak babaye nagpakitag maayong sulondan ingong Kristohanon pinaagi sa mahigugmaong pagsuportar kanila. Kining maayong pamilya ug kamong tanan nga malamposong nakasagubang sa lainlaing pagsulay sa pagtuo mobatig kalipay tungod sa inyong pag-antos niini. (Sant. 1:2-4) Si Jehova nagpasalig sa iyang mga dinihogan ug sa ubang karnero nga kita magmalipayon unya kon padayon kitang moantos sa mga pagsulay, kay gantihan kitag kinabuhing walay kataposan!Sant. 1:12.

Sa miaging tuig, 19,241,252 ang mitambong sa Memoryal. Pagkamakapalig-on nga daghan kaayo ang nagpasidungog kang Jehova ug kang Jesu-Kristo pinaagi sa pagtambong sa labing hinungdanong tigom nianang tuiga alang sa katawhan sa Diyos! Panahon sa Memoryal, lanog kaayo ang singgit sa pagdayeg kang Jehova kay minilyon ang nag-oksilyare payunir sa Marso ug Abril. Pagkamakapadasig! Dili ba makapalipay ang pagkahibalo  nga kadtong nag-oksilyare payunir sa duaw sa magtatan-aw sa sirkito makaapil sa tibuok miting sa mga payunir, bisan pag ang duaw dili atol sa Marso o Abril? Nasabtan sa mga maalamon sa espirituwal nga hinungdanong magmaaktibo sa pagsangyaw ug sa mga kalihokan sa kongregasyon. Kon kita puliki, makapabilin kitang lig-on ug dili matarog, ug mapakgang nato ang paningkamot sa Yawa sa pagdaot sa atong pagtuo ug sa pagpahisalaag kanato.1 Cor. 15:58.

Makapadasig usab nga sa miaging tuig sa pag-alagad, 277,344 ang nagpabawtismo ingong simbolo sa ilang pahinungod ug karon nagsubay na sa dalan sa kinabuhi duyog sa ilang mga igsoon sa tibuok kalibotan! (Mat. 7:13, 14) Kinahanglang tabangan nato ang maong mga bag-ohan aron sila ‘molig-on sa pagtuo.’ (Col. 2:7) Padayon sa pagdinasigay sa usag usa nga molahutay hangtod sa kataposan. (Mat. 24:13) “Hupaya ang magul-anong mga kalag, buligi ang mga maluya, magmataas-ug-pailob sa tanan.” (1 Tes. 5:14) Sa kataposan, hinaot mag-ampo ta nga walay hunong: “Paanhia ang imong Gingharian.”1 Tes. 5:17; Mat. 6:10.

Palihog basaha ninyo kining Tinuig nga Basahon, ug timan-i nga gihigugma namo kamong tanan nga nahigugma kang Jehova!

Inyong mga igsoon,

Nagamandong Lawas sa mga Saksi ni Jehova