Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2014 Tinuig nga Basahon sa Mga Saksi ni Jehova

 SIERRA LEONE UG GUINEA

Sekretong mga Kapunongan

Sekretong mga Kapunongan

NALUKOP ang West Africa ug sekretong kapunongan ug ang mga membro naggikan sa lainlaing tribo, kultura, ug pinulongan. Kini nagkontrolar sa sosyal, edukasyonal, ug politikal nga kalihokan sa ilang mga membro. Pero ang ilang pangunang katuyoan maoy relihiyoso. Duha sa dagkong sekretong kapunongan mao ang Poro (panglalaki) ug Sande (pangbabaye). * Pananglitan, ang Poro nanlimbasog nga “makontrolar ang mga espiritu ug segurohong makabenepisyo sa kalalakin-an ang ilang pagpanghilabot.”Initiation, 1986.

Ang bag-ong membro sa Poro tudloag mga sekreto bahin sa mga espiritu ug gahom sa pangdaot. Pinaagig rituwal, ang ilang lawas mapunog mga ulat. Ang bag-ong membro sa Sande tudloan sab ug mga espiritistikong mga rituwal ug ipailalom sa female genital mutilation o pag-abis sa kinatawo, apan kini gihunong na sa ubang lugar.

Ang ubang sekretong kapunongan nagkontrolar sa seksuwal nga kalihokan ug mogamit ug espiritismo sa pagtambal sa pagkabuang o ubang sakit. Panahon sa giyera sibil sa Sierra Leone, usa ka sekretong kapunongan nangangkon nga sila dili dutlag bala. Pero dili kana tinuod.

Ang mga membro gidid-an pagbutyag sa uban sa ilang kahibalo ug mga rituwal. Lagmit patyon kadtong dili mosunod sa mga balaod ug lagda sa kapunongan.

^ par. 3 Sa ubang lugar, ang Sande nailhang Bondo.