Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2014 Tinuig nga Basahon sa Mga Saksi ni Jehova

 SIERRA LEONE UG GUINEA

“Di Abtag Tuig Patay Na Ka”

Zachaeus Martyn

“Di Abtag Tuig Patay Na Ka”
  • NATAWO 1880

  • NABAWTISMOHAN 1942

  • MUBONG IMPORMASYON Nagsugod pagpayunir dihang 72 anyos na siya.

WALAY nag-Bible study kang Zachaeus. Apan pagkabasa niya sa librong Salvation ug sa The Harp of God, nakasabot siya nga nakaplagan na niya ang kamatuoran.

Sa 1941, Dominggo sa buntag kadto, migikag sayo si Zachaeus aron motambong sa unang higayon sa tigom sa mga Saksi, nga otso kilometros ang distansiya palugsong sa titip nga bukid. Kay wa masayod sa oras sa tigom, sayo kaayo siyang miabot. Milingkod na lang si Zachaeus ug nagpaabot ug pipila ka oras sa mga igsoon. Human sa tulo ka pagtambong sa tigom sa Dominggo sa Kingdom Hall, gipatangtang niya ang iyang ngalan sa listahan sa mga membro sa Anglican Church.

Usa ka suod nga higalang membro usab sa maong relihiyon, mibadlong niya, “Noy, kon magsige kag tungas sa bukid nga otso kilometros aron makigtigom nianang mga tawhana, di abtag tuig patay na ka.” Nakita niya si Zachaeus nga motungas sa bukid kaduha sa semana sulod sa lima ka tuig. Unya ang maong higala namatay! Paglabayg 25 ka tuig, si Zachaeus abtik gihapon.

Si Zachaeus nagmatinumanon kang Jehova hangtod sa kamatayon sa edad 97.