Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2014 Tinuig nga Basahon sa Mga Saksi ni Jehova

 MAKAIIKAG NGA REPORT SA MIAGING TUIG

Nagustohan Nila ang Watchtower ONLINE LIBRARY

Nagustohan Nila ang Watchtower ONLINE LIBRARY

Niadtong Hunyo 28, 2013, gipahibalo sa jw.org nga ang Watchtower ONLINE LIBRARY (WOL) anaa na sa 100 ka pinulongan. Mahimo kang manukiduki sa WOL pareho sa Watchtower Library sa CD-ROM. Puwedeng maablihan ang WOL sa mga gadyet nga maka-access ug Internet, sama sa desktop o laptop computer, tablet, o smartphone. Kadaghanan sa publikasyon sa WOL nagsugod sa tuig 2000 paunahan. Sa daghang pinulongan, ang Bag-ong Kalibotang Hubad ug Pagtugkad sa Kasulatan gilakip usab. Ang tab nga Pangitaa magamit sa pagpangitag pulong, prase, o kombinasyon sa mga pulong, sama sa puwedeng himoon sa Watchtower Library. Pinaagi  niining online nga librarya, makapangita kag mga teksto o impormasyon sa usa ka pinulongan ug unya i-synchronize o itakdo kini sa laing pinulongan. Aniay pipila ka pasalamat bahin niining mapuslanong galamiton sa pagpanukiduki:

“Salamat kaayo sa WOL. Dihang nakita nako kining bag-ong galamiton sa pagtuon, nalipay kaayo ko. Wala koy nahibaloan bahin sa computer programming o Web design, pero ekselente kaayo kini nga galamiton sa pagpanukiduki. Dayag kaayo ang inyong gugma sa silingan, gugma sa mga igsoon, ug gugma kang Jehova. Makita sa pagkadisenyo sa WOL nga kamo may kahingawa gayod. Wa nay laing gasa nga akong mahangyo pa sa akong mahigugmaon, mahinatagon nga langitnong Amahan, si Jehova. Daghang salamat.”—A., Argentina.

“Di ko katuo! Giablihan nako ang WOL ning hapona, ug usa sa bag-ong mga pinulongan mao ang Haitian Creole. Wa gyod ko magdahom niana. Dayag sa akong sulat nga nahutdan kog mga pulong. Hinaot panalanginan ni Jehova ang inyong paningkamot, ug padayon mong giyahan sa iyang balaang espiritu.”—D.C., United States.