Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

2014 Tinuig nga Basahon sa Mga Saksi ni Jehova

 MAKAIIKAG NGA REPORT SA MIAGING TUIG

Usa ka Organisasyon nga Padayong Nag-uswag

Usa ka Organisasyon nga Padayong Nag-uswag

Niadtong Biyernes, Hulyo 5, 2013, ang pamilyang Bethel sa United States nalipay dihang si Anthony Morris, membro sa Nagamandong Lawas, nagpahibalo: “Sa Huwebes, Hulyo 4, 2013, nadesisyonan nga ibaligya ang unom ka bilding sa 117 Adams Street ug sa 90 Sands Street sa Brooklyn. Busa, angayng mabakante ang Bilding 1 hangtod 5 sa tungatunga sa Agosto niining tuiga.”

Si Brader Morris mipatin-aw nga ang Laundry ug Dry Cleaning Department, sa ikaunom ug ikapitong andana sa Bilding 3, gamiton pa hangtod sa tungatunga sa  2014. “Ang bilding sa 90 Sands Street,” matod niya, “lagmit bakantehon sa 2017.”

Ang unom ka dagkong bilding ibaligya kay ang tibuok-kalibotang hedkuwarter sa mga Saksi ni Jehova sa New York City ibalhin ngadto sa 102 ka ektaryang propidad sa Warwick, New York. Pero dili pa masugdan ang pagpanghawan ug pagpangubkob sa luna nga tukoran kon walay mga permit.

Busa, sa Huwebes, Hulyo 18, ang pamilyang Bethel sa United States mahinamong namati kang Mark Sanderson, membro sa Nagamandong Lawas, nga miingon: “Nalipay mi sa pagpahibalo nga kagabii, Miyerkoles, Hulyo 17, giaprobahan sa Warwick Planning Board ang plano sa bag-ong tibuok-kalibotang hedkuwarter sa mga Saksi ni Jehova. Kini na lay gikinahanglan aron makakuhag mga bilding permit. Makapainteres nga ang plano giaprobahan eksaktong upat ka tuig sukad mapalit ang propidad sa Warwick. Ug ang panghitabo sa miaging mga adlaw hangtod nga naaprobahan kini nagpamatuod sa panalangin ni Jehova.” Si Brader Sanderson nagpasalamat sa tanang naghago ug sinserong nag-ampo alang niining importanteng proyekto. “Labaw sa tanan,” siya miingon, “pasalamatan ug dayegon nato si Jehova niining makasaysayanhong pagbalhin sa hedkuwarter ngadto sa Warwick, New York.”

Sa Biyernes, Hulyo 26, si Brader Morris mipakigpulong atubangan sa mga 1,000 ka boluntaryo sa Bethel ug sa Regional Building Committee (RBC) nga  nagtigom sa kan-anan sa pasilidad sa Tuxedo, New York, ang pinaka-bunkhouse sa proyekto sa Warwick. Human sa makapadasig nga pakigpulong, siya miingon: “Nia sa akong kamot ang bag-o pa nakong nadawat nga gusto nakong ipahibalo kaninyo. Sa ibabaw niini may gisulat: ‘Building Permit.’” Una makapadayog basa, milanog ang pakpak sa mga boluntaryo. Nalipay ang tanan samtang padayong gibasa ni Brader Morris ang unang importanteng bilding permit, nga giisyu sa lungsod sa Warwick tulo pa lang ka oras ang milabay.

Unsay Nagakahitabo sa Wallkill, Warwick, ug Tuxedo?

Sukad nagsugod ang proyekto sa pagpalapad sa Wallkill niadtong Agosto 2009, may mga 2,800 ka igsoon na nga temporaryong nakaboluntaryo didto. Lakip sa gitukod mao ang bag-ong residensiya, garahean, ug opisina. Ang usa sa presenteng mga residensiya giremodel, ug may gipang-usab sa printery, laundry, auditorium, services building, ug sa main lobby. Gidahom nga ang proyekto sa Wallkill mahuman sa kataposan sa 2015.

Kasamtangan, nagsugod sab ang konstruksiyon sa umaabot nga hedkuwarter sa Warwick. Sa unang pipila ka bulan, gipatag ug gikalotan ang yuta, giinstalar ang mga tubo ilalom sa yuta para sa tubig ug koryente. Sa hinapos sa 2013, gisugdan ang konstruksiyon sa unang tulo ka bilding—ang Vehicle Maintenance Building, Visitor Parking Garage, ug ang Maintenance Building. Kining mga bildinga importante sa pag-atiman sa kahimanan ug sa mga boluntaryo, panahon ug human sa konstruksiyon. Isunod pagtukod ang mga residensiya ug Office/Services Building, nga sugdan sa 2014.

 Ang pasilidad sa Tuxedo, 20 ka ektaryang propidad nga mga 10 kilometros ang gilay-on sa amihanan sa Warwick, “magsuportar sa konstruksiyon sa umaabot nga hedkuwarter sa Warwick,” patin-aw sa membro sa Construction Project Committee, si Kenneth Chernish. “Kini puy-an sa ubang boluntaryo ug gamiton sab sa pagtagana kanilag pagkaon, materyales, ug kahimanan.” Aron daling matukod ang pasilidad sa Tuxedo, ang piniling mga membro sa RBC sa silangang bahin sa United States gipatabang sa pipila ka bahin sa maong proyekto.

Daghang boluntaryo sa RBC sa tibuok nasod gustong motabang sa konstruksiyon sa umaabot nga hedkuwarter. Ang mga igsoong may kahanas andam na usab nga motrabaho ingong temporaryong boluntaryo sa maong mga konstruksiyon. Si Leslie Blondeau, kinsa nagtrabaho uban sa iyang bana nga si Peter sa Plumbing Department, miingon: “Kay nag-uban sa trabaho, kami mas nagkasuod ug daghag kasinatian nga dili namo hikalimtan.”

“Kauban ko sa elektrikal tem dinhi sa Tuxedo,” matod ni Mallory Rushmore. “Kada adlaw malipay ming makakita sa tanang boluntaryo nga nagkahiusa pagtrabaho.”

“Talagsaon kini nga pribilehiyo,” matod ni Quincy Dotson. “Abi nakog dako kaayo ang akong isakripisyo, pero daghan hinuon ang nadawat nakong benepisyo.”

“Nalipay kaayo ko nga nakaapil niini nga proyekto,” matod ni Brader Chernish. “Paspas ug pulido nga motrabaho ang mga brader ug sister, ug sila sadya pod kaayo.”