Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ATONG KRISTOHANONG KINABUHI UG MINISTERYO–WORKBOOK SA TIGOM PEBRERO 2017

 KRISTOHANONG PAGKINABUHI

Magmaalamon sa Pagtanyag ug Literatura sa Bibliya

Magmaalamon sa Pagtanyag ug Literatura sa Bibliya

Si Jesus nagtudlo: “Nadawat ninyo nga walay bayad, ihatag nga walay bayad.” (Mat 10:8) Kita nagsunod nianang klarong sugo pinaagi sa dili pagpangayog bayad sa kopya sa Bibliya o sa atong gipasukad sa Bibliya nga literatura. (2Co 2:17) Bisan pa niana, kining mga basahona naundan ug bililhong mga kamatuoran sa Pulong sa Diyos. Hago ug dakog gasto ang pag-imprenta ug pagpadala sa mga literatura ngadto sa mga kongregasyon sa tibuok kalibotan. Busa, mokuha lang kita sumala sa atong gikinahanglan.

Magmaalamon dihang manghatag ug literatura ngadto sa uban, bisan sa pagsangyaw sa publikong mga dapit. (Mat 7:6) Imbes magtunol lang ug literatura sa mga manglabay, paningkamot sa pagpakig-estorya kanila sa pagtino kon interesado ba sila. Makatubag ka ba ug oo labing menos usa sa mga pangutana diha sa kahon? Kon dili ka segurado kon interesado ba ang maong tawo, hatagi na lang siyag tract. Pero kon mangayo siyag magasin o ubang publikasyon, ato siyang hatagan.Pr 3:27, 28.