Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ATONG KRISTOHANONG KINABUHI UG MINISTERYO–WORKBOOK SA TIGOM OKTUBRE 2016

 KRISTOHANONG PAGKINABUHI

Kon Unsaon Paghatag ug Maayong mga Komento

Kon Unsaon Paghatag ug Maayong mga Komento

Ang maayong mga komento makapalig-on sa kongregasyon. (Rom 14:19) Kini makapalig-on usab niadtong mohatag ug komento. (Pr 15:23, 28) Busa, maningkamot ta sa paghatag ug komento bisag kausa matag tigom. Siyempre, dili kita matawag sa matag panahon nga moisa kita sa atong kamot. Busa mas maayong mag-andam ug daghang komento.

Ang maayong komento . . .

  • simple, klaro, ug mubo. Sagad, ihatag kini sa 30 segundos o ubos pa

  • ihatag sa kaugalingong mga pulong

  • dili subli sa nahatag na nga komento

Kon ikaw ang unang tawgon, . . .

  • paghatag ug simple, direktang tubag

Kon ang pangutana natubag na, mahimo kang . . .

  • magpatin-aw kon unsay kalabotan sa gikutlo nga teksto bahin sa topiko nga gihisgotan

  • maghisgot kon sa unsang paagi ang gihisgotan makaapektar sa atong kinabuhi

  • magpatin-aw kon sa unsang paagi mapadapat ang impormasyon

  • maghatag ug mubong eksperyensiya nga nagpasiugdag hinungdanong punto