Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ATONG KRISTOHANONG KINABUHI UG MINISTERYO–WORKBOOK SA TIGOM NOBYEMBRE 2016

 KRISTOHANONG PAGKINABUHI

Ang Iyang Bana Inila Diha sa mga Ganghaan sa Siyudad

Ang Iyang Bana Inila Diha sa mga Ganghaan sa Siyudad

Ang maayong asawa makahatag ug kadungganan sa bana. Sa panahon ni Haring Lemuel, ang bana nga dunay maayong asawa “inila diha sa mga ganghaan” sa siyudad. (Pr 31:23) Karon, ang tinahod nga mga lalaki nag-alagad ingong mga ansiyano ug ministeryal nga alagad. Kon minyo, ang ilang katakos sa pag-alagad nagdependeg dako sa maayong panggawi ug pagpaluyo sa ilang asawa. (1Ti 3:4, 11) Ang maayong asawa giapresyar pag-ayo, dili lang sa iyang bana kondili sa kongregasyon usab.

Ang maayong asawa motabang sa iyang bana sa pag-alagad pinaagi sa . . .

  • pagdasig kaniya pinaagig makapalig-ong mga pulong.—Pr 31:26

  • pagpaambit sa panahon sa iyang bana diha sa kongregasyon.—1Te 2:7, 8

  • pagkinabuhing simple.—1Ti 6:8

  • dili pagpangutana bahin sa kompidensiyal nga mga butang sa kongregasyon. —1Ti 2:11, 12; 1Pe 4:15