Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinabuhi ug Ministeryo—Workbook sa Tigom  |  Marso 2016

 BAHANDI GIKAN SA PULONG SA DIYOS | JOB 6-10

Si Job Nagpahungaw sa Iyang Grabeng Kaguol

Si Job Nagpahungaw sa Iyang Grabeng Kaguol

Si Job napurdoy, namatyan, ug grabeng nasakit, pero nagmatinumanon gihapon. Busa, gusto ni Satanas nga madismaya si Job aron mabungkag iyang integridad. Tulo ka “higala” ang mibisita. Una, misimpatiya kunohay sila. Dayon, pito ka adlaw silang milingkod uban ni Job, nga walay gisulti bisag usa lang ka pulong sa paghupay. Human niadto, ang ilang gipanulti kang Job pulos akusasyon ug pagpanaway.

Si Job maunongon kang Jehova bisan pa sa grabeng pagpresyur

6:3; 7:16; 9:20-22; 10:1, 12

  • Tungod sa grabeng kaguol, nasayop ang panglantaw ni Job. Nasayop siya sa paghunahuna nga balewala ra sa Diyos kon magmatinumanon ba siya o dili

  • Kay dismayado, si Job wala na makahunahunag laing posibleng rason sa iyang pag-antos

  • Bisag naguol pag-ayo, gisultihan gihapon ni Job ang mga nag-akusar niya bahin sa iyang gugma kang Jehova