Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Kinabuhi ug Ministeryo—Workbook sa Tigom  |  Marso 2016

 KRISTOHANONG PAGKINABUHI

Abiabiha Atong mga Bisita

Abiabiha Atong mga Bisita

Sa Marso 23, mga 12 ka milyong bisita o kapin pa ang gibanabanang motambong sa Memoryal. Tabangan sila sa mamumulong nga masabtan ang gasa ni Jehova nga halad lukat ug ang ubang panalangin nga matagamtam sa katawhan sa umaabot. (Isa 11:6-9; 35:5, 6; 65:21-23; Ju 3:16) Pero nianang espesyal nga okasyon, dili lang mamumulong ang makatabang sa mga bisita. Kitang tanan makatabang pinaagi sa pag-abiabi kanila. (Rom 15:7) Niay pipila ka sugyot.

  • Imbes moderetsog lingkod ug magpaabot nga magsugod ang programa, abiabiha ang mga bisita ug mga dili aktibo pinaagi sa tam-is nga pahiyom ug mahigalaong pagtimbaya

  • Gawas sa pag-abiabi sa bisita nga kita mismo ang nag-imbitar, alisto sab ta sa pag-abiabi niadtong motambong kay nakadawat ug imbitasyon panahon sa kampanya. Patapara siya nimo aron duha mong makagamit sa Bibliya ug songbok

  • Human sa pakigpulong, gahinig panahon nga matubag ang mga pangutana sa bisita. Kon kinahanglan mong mohawa dayon kay gamiton sa laing kongregasyon ang tigomanan, pakigsabot nga makigkita niya human sa duha o tulo ka adlaw. Kon wala ka mahibalo kon unsaon siya pagkontak, puwede kang moingon: “Gusto unta kong mahibalo sa imong opinyon bahin sa imong napaminawan. Unsaon tika pagkontak?”