Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ATONG KRISTOHANONG KINABUHI UG MINISTERYO–WORKBOOK SA TIGOM ENERO 2016

 KRISTOHANONG PAGKINABUHI

Atong Pribilehiyo sa Pagtukod ug Pagmentinar sa mga Dapit sa Matuod nga Pagsimba

Atong Pribilehiyo sa Pagtukod ug Pagmentinar sa mga Dapit sa Matuod nga Pagsimba

Dakong trabaho ug dakog gasto ang pagtukod sa templo sa Israel. Pero makugihon kining gisuportahan sa mga Israelinhon. (1Cr 29:2-9; 2Cr 6:7, 8) Dihang nahuman ang templo, ang paagi sa mga Israelinhon sa pagmentinar niini nagpakita kon sila ba maayog espirituwalidad o dili. (2Ha 22:3-6; 2Cr 28:24; 29:3) Ang mga Kristohanon karon nagkugi ug naggahin ug daghang panahon sa pagtukod, paghinlo, ug pagmentinar sa mga Kingdom Hall ug Assembly Hall. Dakong pribilehiyo ang pag-alagad kang Jehova niining paagiha ug bahin kini sa atong sagradong pag-alagad.—Sal 127:1; Pin 7:15.

KITA MAKATABANG PINAAGI SA . . .

  • Pagpanghinlo kada human ug tigom. Pero kon dili itugot sa atong kahimtang, puwede natong puniton ang ginagmayng basura duol sa atong lingkoranan.

  • Pagboluntaryo panahon sa regular nga eskedyul sa pagpanghinlo ug pagmentinar sa Kingdom Hall. Kon magtinabangay, ang trabaho gaan ug makapalipay.—lv 92-93 ¶18.

  • Paghatag ug donasyon. Makapalipay kang Jehova ang kinasingkasing nga paghatag bisag ‘duha ra ka gagmayng sensilyo.’—Mar 12:41-44.

  • Pagboluntaryo sa pagtukod ug pagremodel sa mga pasilidad sa organisasyon kon itugot sa atong kahimtang. Dili kinahanglang eksperyensiyado ta sa konstruksiyon aron makaapil.