Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

ATONG KRISTOHANONG KINABUHI UG MINISTERYO–WORKBOOK SA TIGOM DISYEMBRE 2016

 KRISTOHANONG PAGKINABUHI

Pagpauswag sa Atong Kahanas sa Ministeryo—Tandoga ang Kasingkasing Pinaagi sa Librong Magpabilin Kamo sa Gugma sa Diyos

Pagpauswag sa Atong Kahanas sa Ministeryo—Tandoga ang Kasingkasing Pinaagi sa Librong Magpabilin Kamo sa Gugma sa Diyos

KON NGANONG HINUNGDANON: Ang mga tawo kinahanglang makakat-on sa mga prinsipyo sa Diyos ug mosunod niana aron dalawaton ang ilang pagsimba. (Isa 2:3, 4) Ang librong Gugma sa Diyos, ang ikaduhang libro nga gamiton sa pagdumalag pagtuon sa Bibliya, makatabang sa mga estudyante sa Bibliya kon unsaon pagpadapat sa mga prinsipyo sa Bibliya sa ilang kinabuhi. (Heb 5:14) Dihang magtudlo kanila, kinahanglang atong tandogon ang ilang kasingkasing aron mapalihok sila sa pagbag-o.Rom 6:17.

KON UNSAON PAGHIMO:

  • Pangandam, ug hunahunaa kon unsay kinahanglang masabtan o pauswagon sa estudyante sa Bibliya. Paghunahunag pangutana nga makatabang aron mahibalo ka sa iyang hunahuna ug pagbati bahin sa inyong gihisgotan.Pr 20:5; be 259

  • Gamita ang mga kahon sa tibuok libro aron masabtan sa estudyante ang kahinungdanon sa pagpadapat sa mga prinsipyo sa Bibliya

  • Tabangi ang estudyante sa pagtimbangtimbang kon unsay angay niyang himoon bahin sa mga butang nga walay espesipikong sugo sa Bibliya, pero ayaw pagdesisyon para niya.—Gal 6:5

  • Mataktikanhong tinoa kon ang estudyante nagkinahanglan bag tabang sa pagpadapat sa pipila ka prinsipyo sa Bibliya. Kon gihigugma niya si Jehova, dasiga siya sa pagbag-o.—Pr 27:11; Ju 14:31