Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

ATONG KRISTOHANONG KINABUHI UG MINISTERYO–WORKBOOK SA TIGOM AGOSTO 2016

 KRISTOHANONG PAGKINABUHI

Itudlo ang Kamatuoran

Itudlo ang Kamatuoran

Sugod sa Septiyembre, ang Workbook sa Tigom nga Kinabuhi ug Ministeryo maglakip ug bag-ong sampol nga presentasyon nga nag-ulohang “Itudlo ang Kamatuoran.” Tumong nato nga makapaambit sa uban ug pangunang kamatuoran sa Bibliya, nga mogamit ug pangutana ug teksto.

Kon interesado ang atong kaestorya, puwede tang magbilig publikasyon o magpasalidag video sa jw.org/ceb aron makahimog pundasyon sa pagbalikduaw. Maningkamot tang mobalik mga duha o tulo ka adlaw aron mapadayon ang nahisgotan. Ang bag-ong mga presentasyon ug mga asaynment sa estudyante ibase sa sumaryo sa mga kapitulo sa librong What Can the Bible Teach Us?, nga gipasimpleng edisyon sa librong Gitudlo sa Bibliya. Sa librong Gitudlo sa Bibliya, dunay mga impormasyon o teksto aron matabangan ta sa pagbalikduaw o pagdumalag pagtuon nga Bibliya ray gamiton.

Usa ray dalan padulong sa kinabuhi. (Mat 7:13, 14) Kay lainlaig relihiyon ug kultura ang mga tawo nga atong sangyawan, angay natong ipaambit ang mga kamatuoran sa Bibliya sa paagi nga makapainteres nila. (1Ti 2:4) Dihang hanas na ta sa pagpakig-estorya bahin sa lainlaing topiko sa Bibliya ug mouswag ang atong katakos sa ‘paggamit sa pulong sa kamatuoran sa hustong paagi,’ mas malipay ta ug molampos sa pagtudlo sa uban bahin sa kamatuoran.—2Ti 2:15.