Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Zacarias 7:1-14

7  Dugang pa, nahitabo nga sa ikaupat ka tuig ni Dario+ nga hari ang pulong ni Jehova midangat kang Zacarias, sa ikaupat ka adlaw sa ikasiyam ka bulan, nga mao, sa Kislev.+  Ug ang Bethel nagpadala kang Sarezer ug kang Regem-melek ug sa iyang mga tawo aron sa paglukmay+ sa nawong ni Jehova,  sa pagsulti sa mga saserdote+ nga iya sa balay ni Jehova sa mga panon, ug sa mga manalagna, bisan sa pag-ingon: “Mohilak ba ako sa ikalima+ ka bulan, mohimog pagdumili sa kaugalingon, ingon sa paghimo ko niini sa daghang katuigan?”+  Ug ang pulong ni Jehova sa mga panon nagpadayon sa pagdangat kanako, nga nag-ingon:  “Sultihi ang tanang katawhan sa yuta ug ang mga saserdote, ‘Sa nagpuasa+ kamo ug nagminatay sa ikalima ka bulan ug sa ikapito+ ka bulan, ug kini sulod sa kapitoan ka tuig,+ nagpuasa ba gayod kamo alang kanako, bisan kanako?+  Ug sa inyong pagkaon ug sa inyong pag-inom, dili ba kamo ra man ang nagkaon, ug dili ba kamo ra man ang nag-inom?  Dili ba kamo motuman sa mga pulong+ nga gisinggit ni Jehova pinaagi sa unang mga manalagna,+ samtang ang Jerusalem gipuy-an pa, ug diha sa kahayahay, uban sa mga siyudad niini sa palibot, ug samtang ang Negeb+ ug ang Sepela+ gipuy-an pa?’”  Ug ang pulong ni Jehova nagpadayon sa pagdangat kang Zacarias, nga nag-ingon:  “Mao kini ang giingon ni Jehova sa mga panon, ‘Himoa ang inyong paghukom uban sa matuod nga hustisya;+ ug ipakita sa usag usa ang mahigugmaong-kalulot+ ug mga kaluoy;+ 10  ug ayaw tikasi ang babayeng balo+ o ang bata nga ilo-sa-amahan,+ ni ang langyaw nga pumoluyo+ o ang sinakit,+ ug ayaw paglaraw ug daotan batok sa usag usa diha sa inyong mga kasingkasing.’+ 11  Apan sila nagpadayong wala magtagad,+ ug nagpadayon pagpagahi sa ilang mga abaga,+ ug ang ilang mga igdulungog gihimo nilang labihan ka dili-masanongon sa pagpaminaw.+ 12  Ug ang ilang kasingkasing+ gihimo nilang ingon sa usa ka batong ismeril aron dili makatuman sa balaod+ ug sa mga pulong nga gipadala ni Jehova sa mga panon pinaagi sa iyang espiritu,+ pinaagi sa unang mga manalagna;+ mao nga si Jehova sa mga panon nasuko pag-ayo.”+ 13  “‘Ug busa nahitabo nga, maingon nga siya mitawag ug sila wala mamati,+ sa ingon usab sila motawag ug ako dili mamati,’+ miingon si Jehova sa mga panon. 14  ‘Ug ako maharosong nagsalibay kanila ngadto sa tanang kanasoran+ nga wala nila hiilhi;+ ug ang yuta nahimong biniyaan nga ilang gitalikdan, nga walay usa nga miagi ug walay usa nga mibalik;+ ug ang tilinguhaon nga yuta+ ilang gihimong usa ka butang nga makapahingangha.’”

Mga Footnote