Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Zacarias 6:1-15

6  Unya giyahat ko pag-usab ang akong mga mata ug nakita ko; ug, tan-awa! may upat ka karo nga migula gikan sa taliwala sa duha ka bukid, ug ang mga bukid maoy mga bukid nga tumbaga.  Sa unang karo dihay pula nga mga kabayo;+ ug sa ikaduhang karo, itom nga mga kabayo.+  Ug sa ikatulong karo dihay puti nga mga kabayo;+ ug sa ikaupat nga karo, mga kabayong puntikpuntik, nga sagolsagol ug bulok.+  Ug ako mitubag ug miingon sa manulonda nga nakigsulti kanako: “Unsa ba kini, akong ginoo?”+  Busa ang manulonda mitubag ug miingon kanako: “Mao kini ang upat ka espiritu+ sa kalangitan nga magapanaw+ human sa ilang pagbarog atubangan sa Ginoo+ sa tibuok yuta.+  Ang usa diin anaa ang itom nga mga kabayo, sila magapanaw ngadto sa yuta sa amihanan;+ ug ang mga puti, sila magapanaw ngadto sa luyo sa dagat; ug ang mga puntikpuntik, sila magapanaw ngadto sa yuta sa habagatan.+  Ug ang mga sagolsagol ug bulok,+ sila magapanaw ug magapangitag kaadtoan, aron sa paglibot sa yuta.”+ Unya siya miingon: “Lakaw, libot kamo sa yuta.” Ug sila milibot sa yuta.  Ug siya misinggit kanako ug misulti kanako, nga nag-ingon: “Tan-awa, kadtong nagapanaw ngadto sa yuta sa amihanan mao ang nagpapahulay sa espiritu+ ni Jehova sa yuta sa amihanan.”+  Ug ang pulong ni Jehova nagpadayon sa pagdangat kanako, nga nag-ingon: 10  “Panguhaan ug butang ang nadestiyero nga katawhan,+ bisan si Heldai ug si Tobiyas ug si Jedaia; ug ikaw moabot nianang adlawa, ug ikaw moadto sa balay ni Josias nga anak nga lalaki ni Sofonias+ uban kanila nga nangabot gikan sa Babilonya. 11  Ug magkuha ka ug plata ug bulawan ug maghimog usa ka halangdong purongpurong+ ug ibutang kini sa ibabaw sa ulo sa hataas nga saserdote nga si Josue+ nga anak nga lalaki ni Jehozadak. 12  Ug ikaw magaingon kaniya, “‘Mao kini ang giingon ni Jehova sa mga panon: “Ania ang tawo+ kansang ngalan maoy Turok.+ Ug siya moturok gikan sa iyang kaugalingong dapit, ug siya magatukod sa templo ni Jehova.+ 13  Ug siya magatukod sa templo ni Jehova, ug siya, sa iyang bahin, magadala sa dignidad;+ ug siya molingkod ug magamando sa iyang trono, ug siya mahimong saserdote sa iyang trono,+ ug ang tambag sa pakigdait+ maanaa sa taliwala nilang duha. 14  Ug ang halangdong purongpurong maiya ni Helem ug ni Tobiyas ug ni Jedaia+ ug ni Hen nga anak nga lalaki ni Sofonias ingong handomanan+ diha sa templo ni Jehova. 15  Ug kadtong atua sa halayo manganhi ug magatukod sa templo ni Jehova.”+ Ug kamo mahibalo gayod nga si Jehova sa mga panon nagpadala kanako nganha kaninyo.+ Ug kini mahitabo—kon kamo sa walay pakyas mamati sa tingog ni Jehova nga inyong Diyos.’”+

Mga Footnote