Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Zacarias 3:1-10

3  Ug iyang gipakita kanako si Josue+ nga hataas nga saserdote nga nagbarog atubangan sa manulonda ni Jehova, ug si Satanas+ nga nagbarog sa iyang tuo aron sa pagpakigbatok+ kaniya.  Unya [ang manulonda+ ni] Jehova miingon kang Satanas: “Si Jehova nagabadlong+ kanimo, Oh Satanas, oo, si Jehova nagabadlong kanimo, siya nga nagapili sa Jerusalem!+ Dili ba kini siya usa ka agipo nga gisakmit gikan sa kalayo?”+  Karon kon bahin kang Josue, siya nasul-oban ug mahugaw nga mga besti+ ug nagbarog atubangan sa manulonda.  Unya siya mitubag ug miingon kanila nga nagbarog sa iyang atubangan: “Kuhaa ang mahugaw nga mga besti gikan kaniya.” Ug siya miingon kaniya: “Tan-awa, gipahinabo ko nga mahanaw ang imong kasaypanan gikan kanimo,+ ug ikaw pagasul-oban sa besting halangdon.”+  Niana ako miingon: “Pabutangi nila ug hinlong purong ang iyang ulo.”+ Ug ilang gibutangan ug hinlong purong ang iyang ulo ug gisul-oban siya sa mga besti; ug ang manulonda ni Jehova nagbarog sa duol.  Ug ang manulonda ni Jehova nagpamatuod kang Josue, nga nag-ingon:  “Mao kini ang giingon ni Jehova sa mga panon, ‘Kon ikaw magasubay sa akong mga dalan, ug kon imong tumanon ang mga obligasyon kanako,+ nan ikaw usab ang maghukom sa akong balay+ ug magbantay usab sa akong mga sawang; ug ako maghatag kanimo ug kagawasan sa pagduol taliwala niini nilang nagbarog sa duol.’  “‘Pamati, palihog, Oh Josue nga hataas nga saserdote, ikaw ug ang imong mga kauban nga nagalingkod sa imong atubangan, kay sila mga tawong nagsilbi ingong mga tilimad-on;+ kay ania, ako magapatungha sa akong alagad+ nga mao ang Turok!+  Kay, tan-awa! ang bato+ nga akong gibutang atubangan kang Josue! Ibabaw sa usa ka bato anaay pito ka mata.+ Ania, igakulit ko ang kulit niini,’+ mao ang giingon ni Jehova sa mga panon, ‘ug kuhaon ko ang kasaypanan nianang yutaa sa usa ka adlaw.’+ 10  “‘Nianang adlawa,’ mao ang giingon ni Jehova sa mga panon, ‘kamo motawag, ang tagsatagsa ngadto sa lain, samtang anaa ilalom sa paras ug samtang anaa ilalom sa kahoyng igos.’”+

Mga Footnote