Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Zacarias 2:1-13

2  Ug akong giyahat ang akong mga mata ug nakita ko; ug, tan-awa! dihay usa ka tawo, ug sa iyang kamot may usa ka pisi nga igsusukod.+  Busa ako miingon: “Asa ka paingon?” Ug siya miingon kanako: “Sa pagsukod sa Jerusalem, aron masayran kon unsay iyang gilapdon ug kon unsay iyang gitas-on.”+  Ug, tan-awa! ang manulonda nga nakigsulti kanako milakaw, ug dihay laing manulonda nga migula sa pagsugat kaniya.  Unya siya miingon kaniya: “Dagan, sultihi ang batan-ong lalaki didto, nga magaingon, ‘“Ang Jerusalem pagapuy-an+ ingon sa patag nga kailayahan, tungod sa kadaghan sa mga tawo ug sa binuhing mga hayop sa iyang taliwala.+  Ug ako mahimo alang kaniya nga usa ka paril nga kalayo sa tibuok palibot,+ ug ako mahimong himaya taliwala kaniya,”’” mao ang giingon ni Jehova.+  “Hoy! Hoy! Kalagiw kamo gikan sa yuta sa amihanan,”+ mao ang giingon ni Jehova. “Kay sa direksiyon sa upat ka hangin sa kalangitan gipakaylap ko kamo sa halayo,”+ mao ang giingon ni Jehova.  “Hoy, Zion!+ Ikyas, ikaw nga nagapuyo uban sa anak nga babaye sa Babilonya.+  Kay mao kini ang giingon ni Jehova sa mga panon, ‘Sunod sa himaya+ ako iyang gipadala ngadto sa kanasoran nga nangagaw kaninyo;+ kay siya nga nagahilabot kaninyo+ nagahilabot sa kalimutaw sa akong mata.+  Kay ania, ako magawarawara sa akong kamot batok kanila,+ ug sila mahimong inagaw ngadto sa ilang mga ulipon.’+ Ug kamo mahibalo gayod nga si Jehova sa mga panon ang nagpadala kanako.+ 10  “Singgit sa makusog ug pagmaya, Oh anak nga babaye sa Zion;+ kay ania, ako moanha,+ ug ako mopuyo sa imong taliwala,”+ mao ang giingon ni Jehova. 11  “Ug nianang adlawa daghang kanasoran ang tinong mahiuban ngadto kang Jehova,+ ug sila mahimong akong katawhan;+ ug ako mopuyo taliwala kanimo.” Ug ikaw makaila gayod nga si Jehova sa mga panon ang nagpadala kanako nganhi kanimo.+ 12  Ug si Jehova magapanag-iya gayod sa Juda ingon nga iyang bahin diha sa balaang yuta,+ ug siya magapili pa sa Jerusalem.+ 13  Paghilom kamo, tanang unod, atubangan kang Jehova,+ kay siya nahigmata+ gikan sa iyang balaang puloy-anan.+

Mga Footnote