Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Zacarias 12:1-14

12  Usa ka pahayag: “Ang pulong ni Jehova mahitungod sa Israel,” mao ang giingon ni Jehova, ang Usa nga nagbuklad sa kalangitan+ ug nagpahimutang sa patukoranan sa yuta+ ug nag-umol sa espiritu+ sa tawo sa sulod niya.  “Ania, himoon ko ang Jerusalem+ nga usa ka panaksan nga magpasarasay sa tanang katawhan sa tibuok palibot;+ ug usab batok sa Juda siya magalikos, batok mismo sa Jerusalem.+  Ug mahitabo nianang adlawa+ nga himoon ko ang Jerusalem nga usa ka mabug-at nga bato+ alang sa tanang katawhan. Ang tanan nga magaalsa niini makabaton gayod ug grabeng mga pangos; ug ang tanang kanasoran sa yuta matigom gayod batok kaniya.+  Nianang adlawa,”+ mao ang giingon ni Jehova, “hampakon ko sa kalibog ang matag kabayo+ ug sa kabuang ang nagasakay niini;+ ug diha sa balay sa Juda bukhon ko ang akong mga mata,+ ug butaan ko ang tagsatagsa ka kabayo sa mga katawhan.  Ug ang mga sultan+ sa Juda magaingon gayod diha sa ilang kasingkasing, ‘Ang mga molupyo sa Jerusalem maoy akong kusog tungod kang Jehova sa mga panon nga ilang Diyos.’+  Nianang adlawa himoon ko ang mga sultan sa Juda nga samag kulon sa kalayo sa taliwala sa mga kahoy+ ug sama sa nagkalayo nga sulo diha sa lumbay sa bag-ong pinutol nga uhay,+ ug ilang pagalamyon diha sa tuo ug sa wala ang tanang katawhan sa tibuok palibot;+ ug ang Jerusalem pagapuy-an pa sa kaugalingon niyang dapit, sa Jerusalem.+  “Ug pagaluwason ni Jehova pag-una ang mga tolda sa Juda, aron ang katahom sa balay ni David ug ang katahom sa mga molupyo sa Jerusalem dili mahimong dako kaayo ibabaw sa Juda.  Nianang adlawa si Jehova mahimong panalipod palibot sa mga molupyo sa Jerusalem;+ ug ang usa nga mapandol taliwala nila nianang adlawa mahisama kang David,+ ug ang balay ni David sama sa Diyos,+ sama sa manulonda ni Jehova sa atubangan nila.+  Ug mahitabo gayod nianang adlawa nga tinguhaon ko ang paglaglag sa tanang kanasoran nga moanhi batok sa Jerusalem.+ 10  “Ug ibubo ko nganha sa balay ni David ug nganha sa mga molupyo sa Jerusalem ang espiritu sa pabor+ ug mga pangaliyupo,+ ug sila molantaw gayod sa Usa nga ilang gidughang,+ ug sila magminatay gayod tungod Kaniya ingon sa pagminatay tungod sa bugtong nga anak; ug aduna unyay hilabihang pagminatay tungod kaniya ingon nga adunay hilabihang pagminatay tungod sa panganay nga anak.+ 11  Nianang adlawa dako ang pagminatay sa Jerusalem, sama sa pagminatay sa Hadadrimon sa patag sa walog sa Megido.+ 12  Ug ang yuta magminatay gayod,+ ang tagsatagsa ka banay magalain; ang banay sa balay ni David magalain, ug ang ilang mga babaye magalain;+ ang banay sa balay ni Natan+ magalain, ug ang ilang mga babaye magalain; 13  ang banay sa balay ni Levi+ magalain, ug ang ilang mga babaye magalain; ang banay sa mga Simeihanon+ magalain, ug ang ilang mga babaye magalain; 14  ang tanang mga banay nga nahibilin, ang tagsatagsa ka banay magalain, ug ang ilang mga babaye magalain.+

Mga Footnote