Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Zacarias 10:1-12

10  “Pangayo kamo kang Jehova ug ulan+ sa panahon sa ulan sa tingpamulak,+ kang Jehova nga nagahimo sa mga dag-om sa bagyo,+ ug nga nagahatag ug ulan nganha kanila,+ sa matag usa sa tanom sa yuta.+  Kay ang mga terapim+ nagsultig matanghagaon; ug ang mga tigpanag-an, sa ilang bahin, nagpahayag ug bakak nga panan-awon,+ ug nagsultig mga damgo nga walay kapuslanan, ug sila naghupay nga kawang.+ Mao nga sila mopahawa gayod ingon sa usa ka panon sa mga hayop;+ sila mahimong sinakit, tungod kay walay magbalantay.+  “Ang akong kasuko misilaob batok sa mga magbalantay,+ ug ako makighusay+ batok sa samag-kanding nga mga pangulo;+ kay si Jehova sa mga panon miliso sa iyang pagtagad ngadto sa iyang panon,+ ang balay sa Juda, ug gihimo silang sama sa iyang kabayo+ nga dungganon sa gubat.  Gikan kaniya ang tawong sinaligan,+ gikan kaniya ang kaabag nga magmamando,+ gikan kaniya ang busogan alang sa gubat;+ gikan kaniya mogula ang tanang kapatas,+ silang tanan.  Ug sila mahisama sa gamhanang mga tawo+ nga nagtamak sa lapok sa kadalanan diha sa gubat.+ Ug sila makiggubat, kay si Jehova nagauban kanila;+ ug ang mga mangangabayo makaagom ug kaulawan.+  Ug himoon ko nga labaw ang balay ni Juda, ug luwason ko ang balay ni Jose.+ Ug hatagan ko sila ug puloy-anan, kay sila akong kaluy-an;+ ug sila mahisama kanilang wala ko isalikway;+ kay ako si Jehova nga ilang Diyos, ug ako motubag kanila.+  Ug sila nga iya ni Epraim mahisama sa usa ka tawong gamhanan,+ ug ang ilang kasingkasing magmaya nga daw tungod sa bino.+ Ug ang kaugalingon nilang mga anak makakita ug magmaya gayod;+ ang ilang kasingkasing magakalipay diha kang Jehova.+  “‘Ako motaghoy+ alang kanila ug magtigom kanila; kay ako magtubos+ kanila, ug sila modaghan, sama niadtong midaghan.+  Ug isabwag ko sila samag binhi taliwala sa mga katawhan,+ ug sa halayong mga dapit sila mahinumdom kanako;+ ug sila mangabuhi uban sa ilang mga anak ug mamauli.+ 10  Ug ibalik ko sila gikan sa yuta sa Ehipto;+ ug tigomon ko sila gikan sa Asirya;+ ug dad-on ko sila ngadto sa yuta sa Gilead+ ug sa Lebanon, ug walay luna nga makaplagan alang kanila.+ 11  Ug siya molatas sa dagat uban ang kasakit;+ ug sa dagat iyang hampakon ang mga balod,+ ug ang tanang kahiladman sa Nilo mangamala.+ Ug ang garbo sa Asirya mapaubos,+ ug ang setro+ sa Ehipto mahanaw.+ 12  Ug diha kang Jehova himoon ko sila nga labaw,+ ug sa iyang ngalan sila magalakaw,’+ mao ang giingon ni Jehova.”

Mga Footnote