Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Zacarias 1:1-21

1  Sa ikawalo ka bulan sa ikaduha ka tuig ni Dario+ ang pulong ni Jehova midangat kang Zacarias+ nga anak nga lalaki ni Berekias nga anak nga lalaki ni Ido+ nga manalagna, nga nag-ingon:  “Si Jehova nasuko sa inyong mga amahan—sa hilabihan gayod.+  “Ug ikaw magaingon kanila, ‘Mao kini ang giingon ni Jehova sa mga panon: “‘Balik kanako,’+ mao ang giingon ni Jehova sa mga panon, ‘ug ako mobalik kaninyo,’+ nag-ingon si Jehova sa mga panon.”’  “‘Ayaw kamo panig-ingon sa inyong mga amahan+ nga kanila ang unang mga manalagna misinggit,+ nga nag-ingon: “Mao kini ang giingon ni Jehova sa mga panon, ‘Biyai ninyo, palihog, ang inyong daotang mga dalan ug ang inyong daotang mga pagpakiglabot.’”’+ “‘Apan wala sila mamati, ug wala sila maghatag ug pagtagad kanako,’+ mao ang giingon ni Jehova.  “‘Kon bahin sa inyong mga amahan, hain man sila?+ Ug kon bahin sa mga manalagna,+ hangtod ba sa panahong walay tino nga sila mabuhi?  Apan, kon mahitungod sa akong mga pulong ug sa akong mga regulasyon nga akong gisugo sa akong mga alagad, ang mga manalagna,+ wala ba sila makaabot sa inyong mga amahan?’+ Busa sila mibalik ug miingon: ‘Sumala sa kon unsay diha sa hunahuna ni Jehova sa mga panon nga buhaton alang kanamo,+ sumala sa among mga dalan ug sumala sa among mga pagpakiglabot, mao man ang iyang gibuhat kanamo.’”+  Sa ikakawhaag-upat ka adlaw sa ikanapulog-usa ka bulan, nga mao, ang bulan sa Sebat, sa ikaduha ka tuig ni Dario,+ ang pulong ni Jehova midangat kang Zacarias+ nga anak nga lalaki ni Berekias nga anak nga lalaki ni Ido+ nga manalagna, nga nag-ingon:  “Nakita ko sa kagabhion, ug, tan-awa! usa ka tawo+ nga nagsakay sa pula nga kabayo,+ ug siya nagtindog sa taliwala sa mga kahoyng mirto+ nga didto sa lawom nga dapit; ug sa iyang luyo dihay mga kabayong mapula, dan-ag nga pula, ug puti.”+  Ug busa ako miingon: “Kinsa ba kini sila, akong ginoo?”+ Niana ang manulonda nga nakigsulti kanako miingon+ kanako: “Ipakita ko kanimo kon kinsa kini sila.” 10  Unya ang tawo nga nagtindog sa taliwala sa mga kahoyng mirto mitubag ug miingon: “Kini sila mao ang gipadala ni Jehova sa paglakaw libot sa yuta.”+ 11  Ug sila mitubag sa manulonda ni Jehova nga nagtindog sa taliwala sa mga kahoyng mirto ug miingon: “Kami milakaw libot sa yuta,+ ug, tan-awa! ang tibuok yuta walay timik ug walay kasamok.”+ 12  Busa ang manulonda ni Jehova mitubag ug miingon: “Oh Jehova sa mga panon, hangtod kanus-a nga ikaw dili maluoy sa Jerusalem ug sa mga siyudad sa Juda,+ nga imong mahukmanong gisaway niining kapitoan ka tuig?”+ 13  Ug ang manulonda nga nakigsulti kanako gitubag ni Jehova, sa maayong mga pulong, makapahupay nga mga pulong;+ 14  ug ang manulonda nga nakigsulti kanako miingon kanako: “Singgit, nga magaingon, ‘Mao kini ang giingon ni Jehova sa mga panon: “Nangabugho ako sa Jerusalem ug sa Zion uban sa dakong pagpangabugho.+ 15  Uban sa dakong kasuko ako nasuko batok sa mga nasod nga anaa sa kahayahay;+ tungod kay ako, sa akong bahin, diyutay ra unta ang kasuko,+ apan sila, sa ilang bahin, mitabang ngadto sa katalagman.”’+ 16  “Busa mao kini ang giingon ni Jehova, ‘“Ako mobalik gayod sa Jerusalem uban ang mga kaluoy.+ Ang akong kaugalingong balay pagatukoron diha kaniya,”+ mao ang giingon ni Jehova sa mga panon, “ug usa ka pisi nga igsusukod igalatid ibabaw sa Jerusalem.”’+ 17  “Singgit pa ug dugang, nga magaingon, ‘Mao kini ang giingon ni Jehova sa mga panon: “Ang akong mga siyudad magaawas pa sa pagkamaayo;+ ug si Jehova magabasol pa gayod tungod sa Zion+ ug magapili pa sa Jerusalem.”’”+ 18  Ug giyahat ko ang akong mga mata ug nakita ko; ug, tan-awa! dihay upat ka sungay.+ 19  Busa ako miingon sa manulonda nga nakigsulti kanako: “Unsa man kini?” Sa baylo siya miingon kanako: “Kini mao ang mga sungay nga nagpatibulaag sa Juda,+ sa Israel+ ug sa Jerusalem.”+ 20  Dugang pa, si Jehova nagpakita kanako sa upat ka artesano. 21  Niana ako miingon: “Unsay ilang buhaton?” Ug siya miingon: “Mao kini ang mga sungay+ nga nagpatibulaag sa Juda nga sa ingon wala gayoy usa nga nagpataas sa iyang ulo; ug kining uban moanhi sa pagpakurog kanila, sa pagsalibay sa mga sungay sa kanasoran nga nagaisa ug sungay batok sa yuta sa Juda, aron sa pagpatibulaag kaniya.”+

Mga Footnote