Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Tito 2:1-15

2  Hinunoa, magpadayon ka sa pagsulti sa mga butang nga nahiangay sa makapahimsog+ nga pagtulon-an.  Ang tigulang nga mga lalaki+ magmakasaranganon sa batasan, maugdang,+ maayog panghunahuna, mahimsog sa pagtuo,+ sa gugma, sa pagkamainantoson.+  Ingon man usab ang tigulang nga mga babaye+ magmatinahoron sa panggawi, dili mabutangbutangon,+ ni naulipon sa daghang bino, mga magtutudlo sa maayo;  aron ilang ikapasig-uli ang batan-ong mga babaye sa ilang kaamgohan sa paghigugma sa ilang mga bana,+ sa paghigugma sa ilang mga anak,+  sa pagbaton ug maayong panghunahuna, putli,+ mga manggimbuhaton sa balay, buotan, nga magpasakop+ sa ilang mga bana, aron ang pulong sa Diyos dili mapasipalahan.+  Ingon man usab magpadayon ka sa pag-awhag sa batan-ong mga lalaki sa pagbaton ug maayong panghunahuna,+  nga sa tanang butang magpakita sa imong kaugalingon nga panig-ingnan sa maayong mga buhat;+ nga magpakita sa pagkalunsay+ diha sa imong pagpanudlo,+ pagkaugdang,  sa maayong sinultihan nga dili-masaway;+ aron ang tawo nga nagasupak maulaw, kay walay mangil-ad nga ikasulti bahin kanato.+  Ang mga ulipon+ magpasakop sa ilang mga tag-iya diha sa tanang butang,+ ug magpahimuot kanila, nga dili magtubagtubag,+ 10  dili mangawkaw,+ hinunoa magpakita sa bug-os nga pagkamaunongon,+ aron sila makadayandayan sa pagtulon-an sa atong Manluluwas,+ ang Diyos, sa tanang butang. 11  Kay ang dili-takos nga kalulot+ sa Diyos nga magdalag kaluwasan+ sa tanang matang sa tawo+ gipadayag na,+ 12  nga nagtudlo kanato sa pagsalikway sa pagkadili-diyosnon+ ug sa kalibotanong mga tinguha+ ug sa pagkinabuhi uban ang maayong panghunahuna ug pagkamatarong ug diyosnong pagkamahinalaron+ taliwala niini nga sistema sa mga butang,+ 13  samtang kita nagpaabot sa makalilipay nga paglaom+ ug sa mahimayaong+ pagpadayag sa dakong Diyos ug sa atong Manluluwas, si Kristo Jesus, 14  nga mihatag sa iyang kaugalingon+ alang kanato aron sa pagluwas+ kanato gikan sa tanang matang sa pagkamalapason ug sa paghinlo+ alang sa iyang kaugalingon ug usa ka katawhan nga iyaha lamang gayod,+ nga masiboton sa maayong mga buhat.+ 15  Ipadayon ang pagsulti niining mga butanga ug ang pag-awhag ug ang pagbadlong uban ang bug-os nga awtoridad sa pagsugo.+ Ayaw gayod itugot nga may tawong magatamay+ kanimo.

Mga Footnote