Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Tito 1:1-16

1  Si Pablo, usa ka ulipon+ sa Diyos ug apostol+ ni Jesu-Kristo sumala sa pagtuo sa mga pinili+ sa Diyos ug sa tukmang kahibalo+ sa kamatuoran+ nga uyon sa diyosnong pagkamahinalaron+  pinasukad sa paglaom sa kinabuhing walay kataposan+ nga gisaad sa Diyos, nga dili makabakak,+ sa wala pa ang kanhing kapanahonan,+  samtang sa iyang takdang kapanahonan iyang gipadayag ang iyang pulong pinaagi sa buluhatong pagwali nga gipiyal kanako,+ nga gisugo sa atong Manluluwas,+ ang Diyos;  ngadto kang Tito, usa ka tiunay nga anak+ sumala sa pagtuo nga giambitan sa tanan: Hinaot nga adunay dili-takos nga kalulot ug kalinaw gikan sa Diyos nga Amahan+ ug ni Kristo Jesus nga atong Manluluwas.+  Tungod niini ako nagbilin kanimo sa Creta,+ aron ikaw magtul-id sa mga butang nga depektoso ug magtudlo+ ug mga ansiyano sa matag siyudad, sumala sa akong gisugo kanimo;+  kon adunay lalaki nga walay akusasyon,+ bana sa usa ka asawa,+ may mga anak nga magtutuo nga walay ikasumbong sa unodnong pagpatuyang ni sa pagkamasupilon.+  Kay ingong piniyalan+ sa Diyos ang usa ka magtatan-aw kinahanglang walay akusasyon,+ dili mabuotbuoton,+ dili mapungtanon,+ dili palahubog nga burokinto,+ dili tigpanukmag,+ dili dalo sa kinitaan pinaagig limbong,+  kondili maabiabihon,+ mahigugmaon sa pagkamaayo, maayog panghunahuna,+ matarong, maunongon,+ mapugnganon-sa-kaugalingon,+  hugot nga nangupot sa kasaligang pulong kon bahin sa iyang arte sa pagpanudlo,+ aron siya makatambag pinaagi sa makapahimsog nga pagtulon-an+ ug sa pagbadlong+ niadtong mosumpaki. 10  Kay adunay daghang tawo nga masupilon, mga tigsultig walay pulos,+ ug mga maglilimbong sa hunahuna, ilabina kadtong mga tawo nga mitapot sa pagkatinuli.+ 11  Kinahanglan nga patak-omon ang ilang baba, kay kini mismong mga tawhana nagadaot sa tibuok nga panimalay+ pinaagi sa pagtudlo nila ug mga butang nga dili angay tungod sa kinitaan pinaagig limbong.+ 12  Usa kanila, nga ilang kaugalingong manalagna, miingon: “Ang mga Cretanhon kanunay gayong bakakon, nagapangdaot+ nga mapintas nga mga mananap, mga ulitan nga tapolan.” 13  Tinuod kini nga pagpamatuod. Tungod niini mismo ipadayon ang pagbadlong kanila nga mapig-oton,+ aron sila magmahimsog+ unta sa pagtuo, 14  nga dili magtagad sa tinumotumong mga sugilanon+ sa mga Hudiyo ug sa mga sugo sa mga tawo+ nga nagpahilayo sa kamatuoran.+ 15  Ang tanang butang mahinlo alang sa mga tawong mahinlo.+ Apan sa mga tawong mahugaw+ ug walay pagtuo+ walay bisan unsang mahinlo, hinunoa mahugaw ang ilang mga kaisipan ug ang ilang mga tanlag.+ 16  Sila nagpahayag sa dayag nga sila nakaila sa Diyos,+ apan sila naglimod kaniya pinaagi sa ilang mga buhat,+ tungod kay sila dulumtanan ug dili-masinugtanon ug dili-inuyonan+ alang sa bisan unsang matang sa maayong buhat.

Mga Footnote