Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Santiago 4:1-17

4  Unsay nakaingon sa mga gubat ug unsay nakaingon sa mga panag-away diha kaninyo? Dili ba kini man ang nakaingon,+ nga mao, ang inyong pagpangandoy sa unodnong kalipayan nga nagpakigsangka diha sa inyong mga sangkap?+  Nagtinguha kamo, bisan pa niana kamo wala makabaton. Nagpadayon kamo sa pagbuno+ ug pagkaibog nga masinahon,+ apan kamo wala makaangkon. Nagpadayon kamo sa pagpakig-away+ ug pagpakiggubat. Kamo wala makabaton tungod kay kamo wala man mangayo.  Kamo nangayo, bisan pa niana kamo wala makadawat, tungod kay kamo nangayo sa sayop nga katuyoan,+ aron inyong magamit kini sa inyong pagpangandoy sa unodnong kalipayan.+  Mga mananapaw,+ wala ba kamo mahibalo nga ang pagpakighigala sa kalibotan maoy pagpakig-away sa Diyos?+ Busa, bisan kinsa nga buot makighigala+ sa kalibotan maghimo sa iyang kaugalingon nga kaaway sa Diyos.+  O naghunahuna ba kamo nga walay hinungdan ang pag-ingon sa kasulatan: “Tungod sa kiling sa pagkamasinahon nga nagpadayon sa pagpangandoy ang espiritu+ nga nagpuyo sa sulod nato”?  Bisan pa niana, ang dili-takos nga kalulot nga iyang gihatag mas labaw.+ Busa kini nag-ingon: “Ang Diyos magabatok sa mga mapahitas-on,+ apan siya magahatag ug dili-takos nga kalulot sa mga mapainubsanon.”+  Busa, magpasakop kamo+ sa Diyos; apan sukli ang Yawa,+ ug siya mokalagiw gikan kaninyo.+  Duol sa Diyos, ug siya moduol kaninyo.+ Hinloi ang inyong mga kamot, kamong mga makasasala,+ ug lunsaya ang inyong mga kasingkasing,+ kamong mga maduhaduhaon.+  Pagkaguol ug pagbangotan ug panghilak kamo.+ Himoa ang inyong katawa nga pagbangotan, ug ang inyong kalipay nga kasubo.+ 10  Ipaubos ninyo ang inyong kaugalingon sa mga mata ni Jehova,+ ug kamo iyang pagabayawon.+ 11  Mga igsoon, hunong na sa pagsulti batok sa usag usa.+ Siya nga mosulti batok sa igsoon o maghukom+ sa iyang igsoon nagsulti batok sa balaod ug naghukom sa balaod. Karon kon maghukom ka sa balaod, dili ka usa ka magtutuman sa balaod kondili usa ka maghuhukom.+ 12  Usa lamang ang maghahatag-balaod ug maghuhukom,+ siya nga makahimo sa pagluwas ug sa paglaglag.+ Apan ikaw, kinsa ka ba nga maghukom sa imong silingan?+ 13  Umari, karon, kamong nagaingon: “Karong adlawa o ugma mangadto kami niining siyudara ug mogugol didto ug usa ka tuig, ug magpatigayon kami ug manapi,”+ 14  samtang kamo wala masayod kon unsay dangatan sa inyong kinabuhi ugma.+ Kay kamo sama sa gabon nga magpakita sa makadiyot ug unya mahanaw.+ 15  Hinunoa, angay unta nga kamo moingon: “Kon pagbuot ni Jehova,+ kami mabuhi ug usab magbuhat niini o niana.”+ 16  Apan karon kamo nagpasigarbo sa inyong mapagawalong mga panghambog.+ Ang tanang pagpasigarbo nga ingon niana daotan. 17  Busa, kon ang usa nasayod sa pagbuhat kon unsay maayo apan wala magbuhat niini,+ siya nakasala.+

Mga Footnote